Popular Bible Verses from Gn 27

Share

Ya' cab' cot Dios n̈ab' 'a yib'n̈ a lu'um, sec wach' 'oj 'aj smasnil 'awb'en 'a sat lum lu'um, caw wach' 'oj 'aj a trigo yet' pax a uva. Til wal 'anma 'oj a'n servil. Smasnil eb' nacion̈ 'oj 'em cumn eb' 'ayach. 'Oj och yajlil 'a yib'n̈ eb' o'tac. ¡'Oj laj 'em cumn eb' 'a ojltac! A eb' tzaln maysch'olnil 'a a patic, maysch'olnil yic eb', ax eb' tzach aln wach'il, wach' yic eb', xchi Isaac.

—Tom yuj chi jun sb'in can ni Jacob. Xchalal xo in yixtn ni tic, b'ab'el 'ix yijcan 'ec' ni in macl yic b'ab'l 'unnab'ilal, ax pax ticnec; tzyi'n can pax 'ec' ni wach'l to wic xon yaji. ¿Man̈x am wal junc xo wach'l c'ub'b'il can 'el 'oj 'ayn jun mamin? xchi Esaú cha.

Yuj cha, xyaln can pax Isaac 'ixtc 'a 'a: Caw wal najt tzach 'elcn 'a sat lum lum 'ay syaxil sat, yet' 'a 'aj wach' ya'n n̈ab'. Cojn yet' a espada 'oj stac' a coln a b'a, schecb' pax ni o'tac 'oj ajcn 'ochi. Palta ax yic 'ayx ep, 'oj a col-l a b'a 'a yol sc'ab' na, xchi Isaac cha.

'Ix tew 'och wal to Esaú 'a smam, 'ix yaln 'ixtic: —¿Man̈x am wal junc xo wach'l tzalcn 'a wib'n̈ jun mamin? ¡Alcn pax a wach'l 'a wib'n̈ jun xo! xchi. Xlajw cha, 'ix 'el yaw Esaú yoc' jun 'ejm xo.