Popular Bible Verses from Juan 1

Share

Eh re' taqe i xik'ulwik reh, i xinimanik reh, xuyeew q'ab' keh chi xukoj taqe chi rak'uun rixq'uun i Ajaab'ees Dios.

Noq xtz'uhkrik chaloq i wach ak'al, xa wilik wo' chik chaloq i Atoob'laj Q'orik. Eh xa wilik wo' cho ruuk' i Dios pampeet, eh Dios wo' hoq.

Re' Saqum re' re' insihq'inik chupaam taqe i q'equm, re' taqe i q'equm ma' inki a'n ta ruchupariik.

Re' i Atoob'laj Q'orik xuyejaa' riib' chi winaq, xk'acharik chi qaxilak, xiik' naah i k'axooj ruuk', korik wach ruk'ux. Re' hoj xqilow i ruloq'il, re' i ruloq'il i raJaaw, ruum xa re' wo' reh jinaj chi Ak'uunb'ees.

Re' reh xye'arik chi yejeb'jik ruum i Dios chu'nchel i chib'ih jariik i wilik. Eh ma' xtaj i chib'ih jariik wilik chi ma' ta ruum i reh xkorjik. Eh re' wo' reh inye'wik juneliik k'acharik. Eh re' k'acharik wili insihq'inik reh i kánima chi winaq chi ixoq.

Eh chi junwaar chik, re' i Juan aj qasan ha' xrilow chi xooj k'oloq ruuk' i Jesús, je' wili xuq'or: Re' wili i Rak'uun i Dios, je' k'isa rak'uun tentzun, re' reh ineesanik reh i kimahk i tinamit.

Re' Atoob'laj Q'orik wilik chik ayu' wach ak'al. Atoob' ta reh wo' reh xyej-anik i wach ak'al, re' i tinamit xama' xkiyeew ta wo' rajaawriik. Re' reh, re' naq taqe i rutinamiit xchalik ruko'leej xa re' la', re' i rutinamiit xama' xkik'ul ta wo' hoq.

Eh re' i korik Saqum re' re' k'ulik i rub'an ayu' wach ak'al, re' insihq'inik reh i kánima chi winaq chi ixoq.

Re' k'uhb'aal i xuyeew i Dios pampeet, xa re' i Moisés xq'orik cho reh. Eh re' k'axooj, i korik xuyeew i Dios, re' i Jesucristo xk'ulik esanoq wach.