Popular Bible Verses from Juan 14

Share

Re' hin naa taq nukanaam aweh i suq kiil k'uxliis. Naa taq nukanaam aweh i suq kiil k'uxliis, ma' je' ta rukab' i suq kiil k'uxliis i ruyeew i wach ak'al. Maatib'isaj taq ak'ux, mat yo'jik taq.

Eh re' Jesús je' wili i xuq'or reh: Re' hin i b'eeh, re' hin i korik, re' hin i k'acharik, xa wuum i hin naa rub'aan ponik ruuk' i waJaaw wilik pan taxaaj.

Re' Jesús je' wili xuq'or: Maatib'isaj taq awánima. Chanimaj taq i Dios, eh kinanimaj wo' taq i hin.

Eh re' i Santolaj Uxlab'al i ye'el rusuqkiil taq ak'ux naa rutaq'aam chaloq panub'ihnaal i waJaaw, naa wo' chik ruk'uhtaam taq aweh chu'nchel i re' reh chi naa ruk'uliik taq panak'ux chu'nchel i nuq'or taq aweh wili.

Awach i ruk'ul paránima taqe i nuk'uhb'aal, eh i runimaj re' re' korik chi kiruk'ax. Eh naa wo' ruk'axariik ruum i waJaaw awach ink'axwik wee hin. Eh naa wo' nuk'axam i hin, naa wo' nuk'uhtaam wiib' reh, inki.

Re' hin naa nupahqaam reh i waJaaw chi naa rutaq'aam chaloq jinaj chik i To'ool taq aweh, reh chi naa ruwihiik taq awuuk' chi juneliik, re' i Santolaj Uxlab'al ink'uhtanik reh i korik. Re' taqe i tinamit yiib' wach i kina'ojb'al ma' naa ta kik'ulum kuuk', ruum ma' nkilow ta wach ni xata keht'al wach. Eh re' taq i hat aweht'al taq chik wach, ruum wilik taq chaxilak eh naa ruwihiik taq panawánima chi juneliik.

Eh chu'nchel taq inawaaj apahqaam ree waJaaw panub'ihnaal, re' hin nee taq i nuyeew aweh, reh chi wuum i hin, Ak'uunb'ees Dios neenye'arik ruloq'il i waJaaw. Eh xa chib'ih pa' jariik taq i neenapahqaaj weh, nee taq i nuyeew aweh, inki Jesús.

Wila' korik chi kinak'ax taq chamol taq panawánima i nuk'uhb'aal.

Parupaat i waJaaw ma' k'isiin i ye'aab' wilik. Wi ta ma' je' re', ma' xnuq'or ta naq taq aweh chi naa rojiik nuyejaam jinaj taq aaye'aab'.

Eh noq nuyejaam chik taq chaloq aaye'aab', naa wo' chik nuchaliik ruka'peech, naa taq kaat nuk'amam johtoq chi wiij. Reh chi aha' naa nuwihiik hin ar wo' taq naa awihiik i hat.

Re' Tomas je' wili i xuq'or reh: Jaaw, re' hoj ma' qeht'al taj aha' naa awojiik Eh ¿nik' wach noq neenqanab'eej i b'eeh? inki.