Popular Bible Verses from Juan 7

Share

je' rukab' i ruq'or i tz'ihb'amaj pan santo laj huuj, re' i ruq'or i Dios chi je' wili: Re' taqe i kinimanik weh, naa reliik cho pan kánima i k'achlik rooq ha', inki, inki Jesús.

Eh pantz'apaab' wach q'iij reh i runimaal wach i ninq'iij, re' Jesús xupab'aa' johtoq riib', kow xuq'or chi je' wili: Awach i chiqiij chii', chaloq rub'an ruhaa' wuuk'

Ruuk' i xuq'or re' re' i Jesús, xuch'ob' rub'ehel chi re' taqe i naakinimaniik reh, naakik'ulum i Santolaj Uxlab'al. Chupaam i q'iij re' re' komajaa' inqajik chaloq i Santolaj Uxlab'al, ruum komajaa' wo' chik injohtik i reh paruloq'laj ye'aab' pan taxaaj.

Maaq'at taq q'orik chinaah i ju'jun ree rukojariik ru mahk xa ruum i runa'ojb'al taq inawilow xti ko wilik la' ru mahk noq naa taq aq'atam i q'orik chinaah, inki.

Awach i xa paruk'ux inchalik i k'uhb'alinik i rub'an, xa re' reh raaj chi neenye'arik ruloq'il. Raaj awach i re' i ruloq'il i xtaaq'anik cho reh iraaj rusik'im, re' reh, re' i korik i ruq'or, eh ma' xtaj i yiib' wach i rub'an.

Eh re' Jesús je' wili i xuq'or: Re' taq aak'uhb'aaljiik i nub'an ma' xata panuk'ux inchalik re' la' i waJaaw xtaaq'anik cho weh inye'wik cho nuna'ojb'al chub'aan.

Re' taq i hat ma' nkixowaaj ta taq awach i tinamit wach ak'al re' hin ra'j inkixowaaj nuwach re', ruum xti nuteh wach keh chi ma' holohik taj inki a'n