Popular Bible Verses from Luc 12

Share

Ruum aj re', re' taq i hat, inchol wo' taq ayejaam awiib' chi korik, ruum re' hin Ak'uunb'ees nuwii' winaq, ma' k'ahchi' ta taq akapaam noq naa taq nuk'uliik iloq cha naah, inki Jesús.

Je' re' noq re' taq i hat, peet taq cha sik' i runimaal rajaawriik i Dios, eh re' reh nee wo' taq i ruyeew chaaweh taqe re', ki uchjik ruum i Jesús.

Je' wo' chik wili i xuq'or: Chawik'raaj taq awiib' i hat, maak'ax taq wach i b'ehomal, ruum ma' re' taj i ma' k'isa b'ehomal inye'wik ruk'achariik i ju'jun, inki.

Je' re' noq, aha' taq naa ruwihiik ab'ehomal, ar wo' taq naa ach'ikaam reje ak'ux, ki uchjik ruum i Jesús.

¿Mi wilik taq jino'q aweh i hat neerub'an rutiqariik rooq i ruk'achariik xa ruum chi neenqajik kapeew chi riij?

Chi riij i re', re' Jesús je' wili i xuq'or keh raj tahqaneel: Re' hin i nuq'or taq aweh chi mat qajik taq kapeew chi riij taq awa' ahaa' naa taq awik'sam wii' q'iij. Eh mat qajik taq kapeew chi riij taq aso' naa akojom.

Eh re' taq i hat, re' Dios rajlaam chi ju'junaal i rismaal taq anaah. Ruum aj re' mat yo'jik taq, ruum re' taq i hat k'ih taq atz'aaq chikiwach i ruk'ihaal chi kok' tz'ikin, inki Jesús.

Matyo'jik taq i hat, i hat taq nutentzuun noq wilkaat xama' hat ta taq k'ih chawiib', ruum re' Dios xchalik paruk'ux chi xuyeew taq aweh i runimaal i rajaawriik i reh.

Chakoj taq rehtaal taqe tz'ok, ma' xtaj inkitik, ma' xtaj inkijach, ma' xta kikaxoon, ma' xta kipaat molb'al chib'ih keh. ¿Mi ma' xiik' naah taq k'ihaal atz'aaq re' hat chikiwach i kok' chikop?

Ruum aj re', i nuq'or taq aweh i hat chi mantib'ik taq ak'ux chusik'ariik taq awa' ahaa'

Wila' re' Dios je' re' rutiq'ib'jiik i rub'an taqe ch'ahn, yu'naak wilkeeb' wataq yuuq' k'ixkaab', eh i iqal neekik'atarik wach q'aaq', ra'j naa taq chik re' hat ma' nee taq tirutiq'aa' i Dios, re' taq i hat ma' achopom taq ak'ux.

Ruum re' i xa chib'ih jariik imb'aan chi q'eeqmaal, korehtaal inooj k'utinoq wach, je' wo' imb'aan panke'lik, korehtaal inooj naab'joq.