Popular Bible Verses from Luc 14

Share

Wila' awach iraaj chalik wuuk', eh re' chik i q'e' ruk'ax taqe rutuut rajaaw, rehk'een, rak'uun rixq'uun, ras eh ruchaaq' winaq, ras eh ruchaaq' ixoq, wila' q'e' wo' ruk'ax riib' i reh, re' re' ma' ruk'ul ta chi waj tahqaneel.

Awach i ma' rukuy ta ruk'amariik i rukuruus, eh ma' kirutahqeej taj, re' re' ma' ruk'ul ta chi waj tahqaneel.

Awach i q'e' runimb'isaj riib', naa rehtesjiik i runimaal wach, eh awach i xama' nim ta wach i rub'an riib', naa ruye'ariik runimaal wach, inki Jesús.

Je' aj re' noq wilik re', xa awach taq aweh i hat, i ma' rukanaa' taj chu'nchel i xa chib'ih jariik wilik reh, ma' ruk'ul ta chi waj tahqaneel, inki Jesús.

Eh wila' wilik jino'q taq aweh i hat i neeruyejaa' jino'q runajt naah paat, ¿mi ma' peet naq neerutzunaa' riib' chub'irariik riij jarub' i naa rusacham, mi manlik neerukohlaaj ruyejeb'jiik ruuk' i rutumiin wilik? Wila' ma' xub'ir riij, noq iraaj xa re' tz'aq ch'ikaab' reh i rupaat nee rukoj, ma' nee ta rukohlaaj ruyejeb'jiik, eh chu'nchel i neki ilwik i koq reh neenkikaqse'laaj i koq. Je' wili i neenkiq'or chi riij: Re' winaq re' re', xa re' wo' tii xutik'aa' i koq ruyejeb'jiik i rupaat, eh ma' xukohlaaj ta ruyejeb'jiik, inko'q taqe.

Noq naa a'nam aninq'iij, re' taq chayuq'eej awuuk' chi wi'k taqe i neb'aa', taqe i ma' manlik ta wach kooq kiq'ab', taqe i siik, taqe i moywach Chi je' re', naa rusuuqb'iik ak'ux, ruum re' keh ma' nee ta nkiyeew jilow aweh. Re' hat kore' naa ak'ulum i jilow na' kiwuktoq chaloq chi k'achlik kiwach taqe korik wach kik'ux, inki.

Eh re' aatz'aam ma' xta reet wila' komajaa' inik'ik i ruki'toq'onkiil. Eh wila' xik'ik i ruki'toq'onkiil, ma' xta chik ineratz'amej. Xa ma' xta chik neenokik wii' ni xata reh ak'al, ni xata reh raxb'eesb'al paam ak'al xa nee la' inq'eb'arik reje wulu'. Awach raj kib'iram i wili, kib'iraj, inki Jesús.