Popular Bible Verses from SPREUKE 17

Share

Die vriend het altyd lief, en die broer word gebore met die oog op die nood.

'n Vrolike hart bevorder die genesing, maar 'n verslae gees laat die gebeente uitdroog.

Wie 'n oortreding bedek, soek liefde; maar hy wat 'n saak weer ophaal, skei vriende van mekaar.

Wie sy woorde inhou, besit kennis; en hy wat kalm is van gees, is 'n man van verstand.

Selfs 'n sot sal as hy swyg, vir wys gereken word; as hy sy lippe toehou, vir verstandig.

BETER is 'n stuk droë brood en rus daarby as 'n huis vol offermaaltye met getwis.

Die begin van 'n onenigheid is soos water wat jy laat deurbreek; daarom, laat die twis vaar voordat dit losbreek.

Hy wat die goddelose regverdig verklaar en die regverdige skuldig verklaar, hulle altwee is vir die HERE 'n gruwel.