Popular Bible Verses from Ɛsedɔ 7

Share

Yâwɛɛ è mò Mose ma ǹyɛɛi, “Gáa, ŋa pâi íkɛ̂i yɛ̂ɛ Ɣâla Gâloŋ ŋɛ́i-tuɛ, ŋá ílîa Eelɔŋ kɛ́ a ílono kɛ́-nuu.

Kɛ́lɛ ŋa pâi Gâloŋ líi su kpananîi. Berei máŋ ŋa pâi ŋɛi-kɛ-maa támaa kɛ̂i la Ize lɔii sui, Gâloŋ fé pâi ŋ̀óli tɔɔ̂i káwoo mâ. Gɛ̀ ní ŋa pâi nyée lâai Ize mɛi a mɛni ŋá-teɛɛ ŋá ŋakɔ́ kɔ́-ƃelai kúla Ize lɔii su, nyii-ŋai dí káa a Eezuɛ-ŋai.

Ize-ŋai da pâi gɔ́lɔnîi a gɛɛ ŋgáa a Yâwɛɛ ŋa pâi nyée làai Ize mɛi a mɛni ŋá-teɛɛ ŋá Eezuɛ-ŋai kúla dísamai.”

Nya ƃe gâloŋ è ŋɔtáre-ƃelai tòli da ŋɔpóniŋ kɛ́-ƃelai, dí ŋɛi-kɛ-maa tɔnɔi tí da kɛ́. Díkelee dí pene a kali. Kɛ́lɛ Eelɔŋ ŋɔsia-wurii è dísia-wûru-ŋai kpéle.

Yâwɛɛ è mò ǹyɛɛi, “Ya pâi gɔ́lɔnîi bere-sîi ŋí su a gɛɛ ŋ́gaa a Yâwɛɛ. Gáa, ŋa pâi Ǹâai Yai lôkwai a zia-wurii ŋí ǹyêei. Ǹyaŋ a pâi penêi a ŋãa.

“Gâloŋ à mò kâa a gɛɛ ká kákpîŋ lɛ́ a ŋɛi-kɛ-maa kɛ́ɛ, m̀ó Eelɔŋ ma a gɛɛ é ŋɔsia-wurii síɣe é dòo ǹɔii mâ Gâloŋ ŋɛ́i-tuɛ a gɛɛ é pene a kali.” Nya ƃe Mose da Eelɔŋ dí lì Gâloŋ pɔ́ naa dí m̀ɛnii kɛ́ Yâwɛɛ è mò dîa a gɛɛ dí gɛi. Eelɔŋ è ŋɔsia-wurii tôo ǹɔii ma Gâloŋ ŋɛ́i-tuɛ da ŋɔtii-kɛ-ƃelai, é pene a kali.