Popular Bible Verses from Nɔŋba 14

Share

Mɛnii nɔ́ ka pɔ̂ri gɛ̂i nya ƃa ká Yâwɛɛ wóo mɛni, káfe ŋ̀óo sîa tòo. Káfe yào ǹûai dîa díkaa naai. Kwa pâi díyee mɛi ɣâlei nɔ́ a vii-kpɛɛ. Káfe yao dîa, kpɛ́ni fêi, Yâwɛɛ káa kúkɔlɛ, a díɣâla-ŋai yée mɛi ɣále.”

‘Ńyãai Yâwɛɛ Ɣâlai, ńii ŋwana-laa fé nɛ̃ɛ ní, wɛli-kɛ-maa támaa kɛ́ ƃò ńyêei. Ŋa sɔnyɔ̂ŋ su-mɛni lɛ̀ɛ da tɔɔ-mâ laa. Kɛ́lɛ ŋa pâi lóŋ-naŋ kélee dísɔnyɔ̂ŋ maa-tɔŋ kpɛ̀i dílônii dîa, ŋá gbɛ́ dílonii lônii dîa.’

À kɛ̀ Yâwɛɛ líi lâai kúmɛni ma, a pâi liî a kúa zí-sɛŋ kpɛtɛ-lɔii lɛ́lɛɛi ŋí su é dɛ́ɛ kúpɔ.

Kɛ́lɛ ŋa pâi liî a ŋátii kɛ́-nuui Kelɛ ǹɔii su è lì naai, é kɛ́ a ŋɔsuui pɔ́ɔ. Kpɛni fêi, líi da kpɛ́ni káa goi gɛ́ tela ŋ́oo mɛ̀ni a ǹɛ́lɛɛ.

Ka m̀ó dîa kâa Yâwɛɛ ǹyɛɛi, ‘Ŋa ḿvoo a gɛɛ tãi nɔ́ ŋ́gaa la ɣele mai, mɛnii ka káŋuŋ su-woo saâi la é pîlaŋ ḿâi, ŋa pâi gɛ̂i a káa.

Nya ƃe Yâwɛɛ è mò Mose mà ǹyɛɛi, “Ǹûai ŋí da díŋɛi nànîŋ ḿɛi a tãi támaa. Dífa làa a ńyãa a tãi támaa berei máŋ ŋa ŋɛi-kɛ-maa támaa kɛ́ la dísamai.

Nya ƃe Eezuɛ-ŋai kélee dí díŋuŋ su-woo sàa a Mose da Eelɔŋ láa dîyɛɛi, “Maa nɛɛ̂i kɛ̀ kú sáa Ize lɔii su kpaa máŋ vɛ̃ɛ-kpâlaŋ su ƃɛ́.

Nuŋ ǹóŋ Zasua da Zefunɛ ǹóŋ Kelɛ nyii-ŋai kɛ̀ a ǹɔii su-kaa ƃelai da-ŋa dí díseɣe-ŋai fàla-fala dí mó Eezuɛ-ŋai kéleee dîa dîyɛɛi, “Ǹɔii kú lì zu kâai, gáa a lɔii lɛ́lɛɛ.

Kɛ́lɛ tɔ̃yâ ma, tãi nɔ́ ŋ́gaa la ɣele mai da tãi nɔ́ ǹɔii láa fɛ̂ɛi la a ŋáfolo-laai, diai da ŋá-folo-laai káa da ŋáŋɛi-kɛ-maa-ŋai ŋá díkɛ Ize lɔii su da vɛ̃ɛ-kpâlaŋ su, kɛ́lɛ díkɛ su-kɔɔŋ tɛ̀ɛ ḿbɔ a tãi támaa, dífa ŋ́oo mɛnii, Dɔnɔ kpîŋ fé pâi ŋ̀ɛ́i lâai ǹɔii mâ ŋá ŋ́gono tèe la dínâŋ-ni yêei. Diai kélee díŋɛi nàŋîŋ ḿɛi, dɔnɔ kpîŋ fé pâi ŋ̀ɛ́i lâai ǹɔii tí mâ.