Popular Bible Verses from Nɔŋba 21

Share

Yâwɛɛ è mò Mose ma ǹyɛɛi, “Kali-pɔkɔɔŋ kpɛtɛ a ƃara í ǹɔ́ wúru ŋá í dɔɔ. Ǹúui kélee kali a nyìŋ, à gàa, a pâi ƃâloi.”

Nya ƃe Mose è ƃara-kali kpɛ̀tɛ è ǹɔ́ wúru ŋá é dɔɔ. Ǹyaŋ ǹúui kélee kali è nyìŋ é m̀ara-kalii kâai, è ƃálo.

Nya ƃe ǹûai dí tɔɔ-maa woo-ŋa ƃò é pîlaŋ Ɣâla ma da Mose díyɛɛi, “Lé mɛni ƃé ká kúkùla la Ize lɔii su a gɛɛ kú sáa vɛ̃ɛ-kpâlaŋ ŋí sui? Gáa kpólo fé ƃɛ́ da yá, ǹyaŋ mii-sɛŋ nyɔ́mɔɔi ŋí ƃɛlɛ fé kúkɔi.”

Nya ƃe Yâwɛɛ è kali sîi nyɔ́mɔɔ-ŋa tɛ̀ɛ Eezuɛ-ŋai sáma, dí dí-nyîŋ kpɔ́ dítamaa dí sáa.

Nya ƃe ǹûai dí pà Mose pɔ́ díyɛ mai, “Kwa sɔnyɔ̂ŋ kɛ́. Kpɛni fêi, kwa lóno nyɔ́mɔɔ kɛ́ Yâwɛɛ ma ka ǹyaa. Yâwɛɛ fɛli a gɛɛ é gali-ŋai kúla kúsama.” Nya ƃe Mose è Ɣâla fɛ̀li dímɛni ma.