Popular Bible Verses from تكوين 32

Share

وَ الرَّاجِلْ قَالْ: «بَعَدْ الْيَوْم، مَا يِنَادُوكْ يَعْقُوبْ، خَلِّي يِنَادُوكْ إِسْرَائِيلْ (مَعَنَاتَهْ صَارَعْ مَعَ الرَّبّ). أَشَانْ إِنْتَ صَارَعْت مَعَ الرَّبّ وَ مَعَ النَّاسْ وَ إِنْتَ أَنَّصَرْت.»

وَ الرَّاجِلْ قَالْ لِيَعْقُوبْ: «خَلِّينِي نَمْشِي أَشَانْ الْوَطَاةْ قَرِيبْ تَصْبِحْ.» وَ يَعْقُوبْ قَالْ لَيَّهْ: «أَنَا مَا نِخَلِّيكْ تَمْشِي كَنْ مَا بَارَكْتِنِي!»

هُو فَضَّلْ هِنَاكْ وِحَيْدَهْ. وَ رَاجِلْ وَاحِدْ جَاءْ صَارَعَهْ لَحَدِّي قَرِيبْ صَبَاحْ.

وَ يَعْقُوبْ سَمَّى الْبَكَانْ دَا فَنِيِيلْ (مَعَنَاتَهْ وِجِهْ الرَّبّ) أَشَانْ هُو قَالْ: «أَنَا شِفْت الرَّبّ وِجِهْ بِوِجِهْ وَ لَاكِنْ أَنَا نِجِيتْ مِنْ الْمَوْت!»

وَ وَكِتْ الرَّاجِلْ عِرِفْ كَدَرْ هُو مَا يَقْدَرْ يَغَلْبَهْ فِي الصِّرَاعْ دَا، قَمَّ ضَرَبْ يَعْقُوبْ فِي وِرْكَهْ وَ وِرْكَهْ مَرَقْ.

وَ الرَّاجِلْ سَأَلْ يَعْقُوبْ وَ قَالْ لَيَّهْ: «أُسْمَكْ يَاتُو؟» وَ هُو قَالْ: «أُسْمِي يَعْقُوبْ.»

وَ يَعْقُوبْ سَأَلْ الرَّاجِلْ وَ قَالْ لَيَّهْ: «مِنْ فَضْلَكْ، أَوْرِينِي أُسْمَكْ.» وَ الرَّاجِلْ قَالْ: «مَالَا تَسْأَلْنِي مِنْ أُسْمِي؟» وَ فِي الْبَكَانْ دَا، هُو بَارَكْ يَعْقُوبْ.

وَ أَنَا صَغَيَّرْ قِدَّامْ الرَّحْمَةْ وَ الْأَمَانْ الْإِنْتَ أَنْطَيْتَهْ لَيِّ أَنَا عَبْدَكْ. أَشَانْ وَكِتْ أَنَا شَقَّيْت بَحَرْ الْأُرْدُنْ مَا عِنْدِي شَيّءْ إِلَّا عَصَاتِي. وَ هَسَّعْ دَاهُو عِنْدِي فُرْقَانْ إِتْنَيْن.

وَ فِي شَانْ دَا لَحَدِّي الْيَوْم، بَنِي إِسْرَائِيلْ مَا يَاكُلُوا لَحَمْ الْوِرْك أَشَانْ يَعْقُوبْ وِرْكَهْ مَرَقْ.

وَ قَالْ: «يَا اللّٰهْ رَبّ جِدِّي إِبْرَاهِيمْ وَ أَبُويِ إِسْحَاقْ! يَا اللّٰهْ! إِنْتَ الْقُلْت لَيِّ: ‹قَبِّلْ بَلَدَكْ فِي بَكَانْ أَهَلَكْ وَ نِسَوِّي لَيْك الْخَيْر.›

نَشْحَدَكْ تِنَجِّينِي مِنْ أَخُويِ عِيسُو أَشَانْ أَنَا خَايِفْ هُو يَجِي يَكْتُلْنَا أَنَا وَ الْعَوِينْ وَ الْعِيَالْ.