Popular Bible Verses from تكوين 45

Share

إِنْتُو بِعْتُونِي وَ جَابَوْنِي هِنِي. وَ فِي شَانْ دَا، مَا تَخَافَوْا وَ لَا تِبَرْجُلُوا. أَشَانْ الرَّبّ بَسْ رَسَّلَانِي هِنِي قُبَّالْكُو لِيِنَجِّي حَيَاتْكُو.

مَا إِنْتُو يَا جِبْتُونِي هِنِي لَاكِنْ الرَّبّ بَسْ جَابَانِي. وَ هُو سَوَّانِي الْوَزِيرْ الْكَبِيرْ سِيدْ الْأَمَانْ هَنَا الْمَلِكْ فِرْعَوْن وَ مَسْؤُولْ هَنَا بَيْتَهْ وَ حَاكِمْ فِي كُلَّ بَلَدْ مَصِرْ.

وَ الرَّبّ رَسَّلَانِي هِنِي قُبَّالْكُو أَشَانْ إِنْتُو تِفَضُّلُوا فِي الْأَرْض وَ يِنَجِّي حَيَاتْكُو نَجَاةْ كَامِلَةْ.

وَ يُوسُفْ قَالْ لَيْهُمْ: «تَعَالُوا لَيِّ قَرِيبْ.» وَ هُمَّنْ قَرَّبَوْا لَيَّهْ وَ قَالْ لَيْهُمْ: «أَنَا يُوسُفْ، أَخُوكُو. إِنْتُو بِعْتُونِي مِثِلْ عَبِدْ وَ جَابَوْنِي هِنِي فِي مَصِرْ.

دَاهُو الْجُوعْ سَوَّى سَنْتَيْن فِي الْبَلَدْ وَ فَضَّلْ بَتَّانْ خَمْسَةْ سَنَةْ. النَّاسْ مَا بَقْدَرَوْا بِتَيْرُبُوا وَ لَا بَحَرْتُوا.

وَ يُوسُفْ قَالْ لِأَخْوَانَهْ: «أَنَا بَسْ يُوسُفْ! صَحِيحْ أَبُويِ لِسَّاعْ قَاعِدْ حَيّ وَلَّا؟» لَاكِنْ أَخْوَانَهْ مِنْ الْخَوْف قِدَّامَهْ مَا قِدْرَوْا رَدَّوْا لَيَّهْ.