Popular Bible Verses from ዮሃኒሳ 14

Share

«ታኒ ሳሮቴ ሂንቴናና ዎይ፤ ታ ሳሮቴ ሂንቴንቱሲ ኢማይ። ታኒ ኣላሚ ኢሚያ ሳሮቴ ማላ ኢሚኬ። ሂንቴንቱ ሂርጎፒቴኔ ያዮፒቴ።

ዬሱሲ ዛሪዴ፥ «ኦጊ፥ ቱሙኔ ዴዑ ታና፤ ታ ባጋናፔ ኣቲን፥ ኦኒኔ ታ ኣቡኮ ባናው ዳንዳዬና።

ዬሱሲ ካሊያዋንታ «ሂንቴንቱ ዎዛናይ ሂርጎፖ፤ ፆሳን ኣማኒቴ፤ ታናንካ ኣማኒቴ።

ሺን ጌሻ ኣያናይ፥ ሜንያዌ፥ ኣዉ ታ ሱንን ኪታናዌ፥ ሂንቴንታ ኡባባ ታማሪሳናዋ። ታኒ ሂንቴንቱሲ ኦዴዳ ኡባባካ ሂንቴንታ ሃሳዪሳናዋ።

«ታ ኣዛዙ ኣ ማታን ዴዒያ ኣሳይ፥ ቃሲ ሄ ኣዛዙዋካ ናጊያዌ፥ ኢ ታና ሲቂያ ኣሳ። ታና ሲቂያ ኣሳ ታ ኣቡካ ሲቄ፤ ታኒካ ኣ ሲቃይ። ታኒ ኣው ቆንጫና» ያጌዳ።

ታኒ ኣዉዋ ዎሳና፤ ሂንቴናና ሜናው ዴዓና ማላ፥ ቱማቴ ኣያና፥ ሃራ ሜንያዋ ሂንቴንቱሲ ኢ ኢማና። ሃ ሳዓይ ሄ ቱማቴ ኣያና ቤዔናዋኔ ኤሬናዋ ጊዲያ ዲራው፥ ኣ ኣካናው ዳንዳዬና፤ ሺን ኢ ሂንቴናና ዴዒያ ዲራዉኔ ሂንቴንቱ ጊዶን ዴዓና ዲራው፥ ሂንቴንቱ ኣ ኤሪታ።

ኣዉ ናዓ ጋሱዋን፥ ታ ባጋና ቦንቼታና ማላ፥ ታ ሱንን ሂንቴንቱ ዎሲያ ኡባባ ታኒ ሂንቴንቱሲ ፖላና። ሂንቴንቱ ታ ሱንን ታና ኣያኔ ኦቾፔካ፥ ታኒ ፖላና።

«ሂንቴንቱ ታና ሲቂያዋ ጊዶፔ፥ ታ ኣዛዙዋ ናጋና።

ታ ኣቡ ጎሌን ዳሮ ሳዓይ ዴዔ። ሄዋ ጊዴኔንቶ፥ ታኒ ሂንቴንቱሲ ሄዋ ኦዲኬ፤ ታኒ ሂንቴንቱሲ ሳዓ ጊጊሳናው ባይ።

ታኒ ባዴ ሳዓ ጊጊሴዳዋፔ ጉዪያን፥ ታኒ ዴዒያ ሳዓን ሂንቴንቱካ ዴዓና ማላ፥ ሲማ ያዴ ሂንቴንታ ታኮ ኣካ ኣፋና።

ቶማሲ፥ «ጎዳው፥ ኔኒ ቢያሳ ኑኒ ኤሮኮ፤ ኦጊያ ዋኒዴ ኤራናው ዳንዳዬቶ?» ያጌዳ።