Popular Bible Verses from ማርቆሳ 12

Share

ዬሱሲ ዛሪዴ፥ ኣ «ኣዛዙዋ ኡባፔ ኣያ ኣዛዙዋ፥ ‹ኢስራዔሊያ ኣሳይ ሲሲቴ፥ ጎዳይ ኑ ፆሳይ ኢቲ ጎዳ። ሂንቴንቱ ጎዳ ሂንቴ ፆሳ ሂንቴ ኩሜን ዎዛናፔ፥ ሂንቴ ኩሜን ሼምፑዋፔ፥ ሂንቴ ኩሜን ቆፋፔ፥ ሂንቴ ኩሜን ዎልቃፔ ሲቂቴ› ያጌ። ቃሲ ኣዛዙዋ ኡባፔ ኣያ ላዔን ኣዛዙ ሃዋ፤ ‹ኔኒ ኔ ሾሩዋ ኔ ሁጲያዳን ሲቃ› ጊያዋ፤ ሃዋንቱፔ ኣያ ሃራ ኣዛዙ ባዋ» ያጌዳ።

ዬሱሲ ባሬና ካሊያዋንታ ፄሲዴ፥ «ታኒ ሂንቴንቶ ቱሙዋ ጋይ፤ ኢሞታ ሳፅኒያን ዬጌዳ ኣሳ ኡባፔ ሃ ሂዬሳ ኣምዓታ ዳሪሳዴ ዬጋዱ። ኣዪሲ ጎፔ፥ ሃራቱ ኡባይ ባሬንቶ ፓላሄዳ ሚሻፔ ዬጌዲኖ፤ ሺን ኢዛ ባሬ ፓጫፔ፥ ባሬው ዴዒያ ዴዑዋ ሙሌካ ኢማ ኣጋዱ» ያጌዳ።

ዬሱሲ ጌሻ ጎሊያን ኢሞታ ዬጊያ ሳፅኒያ ማታን ኡቲዴ፥ ኣሳይ ባሬ ሚሻ ሄ ሳፅኒያን ዬጊያዋ ቤዔዳ፤ ጮራ ዱሬ ኣሳይ ዳሮ ሚሻ ሄ ሳፅኒያን ዬጌዲኖ። ኢቲ ሂዬሳ ኣምዓታ ያዴ፥ ኢቲ ሳንቲሚያን ላሜቲያ ላዑ ሴምቤራቱዋ ሄ ሳፅኒያን ዬጋዱ።

ፆሳ ኩሜን ዎዛናፔ፥ ኩሜን ቆፋፔኔ ኩሜን ዎልቃፔ ዶሲያዌኔ ቃሲ ባሬ ሾሩዋካ ባሬ ሁጲያዳን ሲቂያዌ፥ ጉዲያ ያርሹዋፔኔ ሃራ ያርሹዋ ኡባፔ ኣ» ያጌዳ።

ዬሱሲ ዛሪዴ ኡንቱንታ፥ «ያቶፔ፥ ቄሳሬዋ ቄሳሬሲ፥ ፆሳዋ ፆሳሲ ኢሚቴ» ያጊና ኡንቱንቱ ኣባ ማላሌቴዲኖ።