Popular Bible Verses from San Juan 17

Share

Pameꞌñeñothet pha peñoñ phaꞌkowentamphsanetepaꞌch eꞌñe phokop. Pha peñoñpaꞌ ñeñthña eꞌñe poꞌñoxh ama shekëñtsoyaye.

Añmapaꞌ ñeñthña alloch ñetpaꞌ korretsetach thayotheñ eꞌñe errponañowen ñerraꞌm esempo eñoterrpet pha ñeñtheph phapoeth eꞌñe poꞌñoxh Yomporetets ñamha ñerraꞌm eñoterrnet na ñeñthen Jesucristo pha pellsensaren.

‘Tharraña amach eꞌñe añekpa nemaꞌyocho ñeñth eꞌñe neyochreshaꞌ nepen theꞌ, añekpaꞌnachña nemaꞌyochampesnoma allowen ñeñthchaꞌ nameꞌñerraya tsapathoneth eꞌñe neyochreshaꞌ poꞌñoñoth. Allochña allowenetpaꞌ parrokmatetchaꞌ ateth pepena pha Apa eꞌñe peparrokmatennana ñamha napaꞌ eꞌñe neparrokmatennapha. Allochña ñetpaꞌ oꞌch eꞌñe parrokmaterryet eꞌñe parro epay. Atthochña acheñeneshaꞌña arr patsropaꞌ ñetñapaꞌ eñoteretchaꞌ pha ñeñtheph nellsenserreꞌ.

Ama añeyeꞌ nenamoenpe atthoch phawenanetaꞌ añ patsroth, añña nenamoeneph oꞌch pekwamphsanet. Amach pemnatatsche oneñeth oꞌch alla aꞌpoerrataterranet.

Ateth pepena pha pekowentapretenna napaꞌxhoꞌña eꞌñe nekowentapretenanet ñet, atthothchaꞌña ñetpaꞌ eꞌñech parrokmatet ateth yepena yamha eꞌñe yeparrokmaten. Napaꞌ neparrokmatenanet, phañapaꞌ peparrokmatenna. Allochña allowenetpaꞌ eꞌñech parrokmatwenet eꞌñe poktakma. Atthoch acheñeneshaꞌ arr patsro ñetpaꞌ eñoteretchaꞌ phapaꞌ pha nellsenserreꞌ. Ñamha eñoteretepaꞌch phapaꞌ atarr pemorrentenanet eꞌñe ateth atarr pemorrentenna na.