Popular Bible Verses from San Juan 4

Share

Yompor Paretspaꞌ ñapaꞌ ña kamoekñetsotets amakaꞌye entpawoyaye. Ñeñthoꞌmarña ñeñthchaꞌ eꞌñe poꞌñoxh ayeꞌchoxhtaterreꞌ ña, arrchaꞌkaꞌye ayeꞌchoxhtatoñet eꞌñe ñet poeyoxhreto, ñeñthpaꞌxhoꞌña amakaꞌye entpawoyaye. Tharroꞌmar ñeñthchaꞌ ateth ayeꞌchoxhtaterrñañet ñeñthña poꞌñoxh ateth moenen Yompor.

Tharroꞌmar theꞌpaꞌ oꞌ xhap ñeñthchaꞌ eꞌñe poꞌñoxh ayeꞌchoxhtaterreꞌ Yompor, arrchaꞌkaꞌye ayeꞌchoxhtatoñet eꞌñe ñet poeyoxhreto. Ñeñthchaꞌ ateth ayeꞌchoxhtaterrñañet ñeñthña eꞌñe poꞌñoxh ateth moenen Yompor.

Tharraña ñerraꞌm eseshaꞌ orreꞌ oñ ñeñthchaꞌ napanet na amaꞌt awathapaꞌ amach oñpaꞌterreto. Ñeñthchaꞌ napanet na oñ, eꞌñe poeyoxhretopaꞌ poenasanetchaꞌ ateth ñerraꞌmrratheꞌ alloth poten oñ, amach wañerro amaꞌt awatha. Atthochña ñetpaꞌ korretsetach thayotheñ amaꞌt errponañowen.

Jesúsñapaꞌ ateth otererr: —Ñerraꞌm peñoteñeñ ñeñth eꞌñe attha apoeney Yompor, ñamha ñerraꞌm peñotennoñ na ñeñthen photeneꞌ phapoen oñ, phapaꞌ oꞌch penamoennoñ na nañapaꞌ oꞌch napospeñ oñ kowen alloch eꞌñe phokrrañ. Ñeñth oteñ oꞌch aph kowen oñ, añ oteñ Yompor poꞌkowenña, tharraña koyaneshaꞌñapaꞌ ama eñoche

Jesúsñapaꞌ alla oterraneterr: —Añkaꞌyeña nerrar nepen oꞌch nepha ateth moenen Nompor ñeñth nellsenseneꞌ, tharroꞌmar ñeñthpaꞌ atthochña eꞌñe netsotwoñ poꞌtarwas.

ñeñthoꞌmarña ateth otererr: —Ama, Ayochreshathe, pecheno alloch pet oñ. Oñpaꞌ nanakrramtso oꞌponoꞌtsen. Errothwamtsoch peyoraña oñ ñeñth eꞌñe kowen alloch eꞌñe yokrra.

Koyaneshaꞌñapaꞌ alla otererr: —Napaꞌ neñoteñ añ Mesíaspaꞌ wapach ñeñthara ñeñth yoten Cristo. Ñerraꞌm ña wapatsapaꞌ eꞌñech serrpareꞌtatwerrey ora allowen ñeñth esokmañen eñall. Jesúsñapaꞌ alla otererr: —Napaꞌ nakaꞌye ñeñthen peserrpareꞌtateneꞌ.

—Theꞌpaꞌ soktherren oꞌch senteñaꞌ poesheñarr enkaneshaꞌ ñeñth oꞌ serrpareꞌtatwosen ora allpon ñeñth ateth nephaꞌyesara. Ñatoꞌ ñeñththeꞌña Cristotets ñeñth atarr yekwen oꞌch wapa.