Popular Bible Verses from Lucas 6

Share

Chixsipanok y jela' ri Dios casipan chiwe ruc' jun pajbal lic nim, lic tzanal upa y capulputic; ma ruc' ri pajbal quixpajan wi ri'ix, ruc' tanchi wa pajbal ca'an pajanic chiwe» xcha ri Jesús.

»Jec'ula' e junok utz uc'u'x, echiri' cach'a'tic, e quel lo ri utz uc'olom chupa ri ranima'. Yey e junok itzel uc'u'x, echiri' cach'a'tic, e quel lo ri na utz taj uc'olom chupa ri ranima'. Ma ruc' ruch'a'tem ri ticawex, cak'alajinic sa' ri c'o chupa ri ranima'.

»No'j ri'ix, c'ax chebina'a ri tzel quebilow iwe y chi'ana ri utz chique. Chiya'a chak'i'm na jinta c'o quiwoy'ej chwach. We qui'an wa', lic nim ri sipanic quic'ul chila' chicaj; yey ec'uchiri', pakatzij wi quixu'an ix ralc'o'al ri Jun catakan chwi ronoje, ma jela' cu'an Rire, cuc'ut ri rutzil uc'u'x chique ri itzel quic'u'x, ri na quetioxin ta chwach ri Dios.

C'ola c'u ri' ri c'axna'bal c'u'xaj iwuc' jela' pacha' ri Kakaw Dios lic c'o c'axna'bal uc'u'x.

»Mi'an ri xa piwe ri'ix quixu'an aj k'atal tzij paquiwi jujun chic, y jela' na cak'at ta c'u tzij piwi ri'ix. Mi'an ri c'ax quixch'aw chiquij jujun chic, y jela' na ca'an ta wa' chiwe ri'ix. We c'o junok camacun chiwij, chicuyu umac y jela' cacuytaj imac ri'ix.

»Wo'ora cambi'ij chiwe ri'ix ri quixtaw we: C'ax chebina'a ri e aj retzelal c'u'x chiwij. Chi'ana ri utz chique ri tzel quebilow iwe. Chitz'onoj ri rutzil uc'u'x ri Dios paquiwi ri caquitz'onoj ri na utz taj piwi ri'ix. Chi'ana c'u orar paquiwi ri tzel quech'a't chiwij.

Ec'u ri'ix chi'ana chique ri ticawex jela' pacha' ri quiwaj caqui'an rique chiwe.

Y we c'o junok cupach' k'ab xe' awe', chaya'a luwar che cupach' ri jun chic xe awe'. Y we c'o junok cumaj rak'u' re pisbal awij, chaya'a ne luwar che cuc'am bi racoton. Chatsipan che ri niba' we cutz'onoj to'bal chawe. Y we c'o junok cumaj rubitak awe, matz'onoj tanchi che.

»Jinta juna chomilaj che' cuya ujik'obalil na chom taj, yey juna che' na chom taj, na cuya ta ujik'obalil chom.

Ma ronoje che' eta'matal uwach ruma rujik'obalil. Na camol ta higos che tak ri xuluquej y na camol ta uvas che tak ri xucuye'.