Popular Bible Verses from Marcos 14

Share

jewa' xubi'ij: «Tat, Lal Nukaw, chiwach Rilal na jinta c'ana c'ayew; chincolobej co la cha' na quinic'ow ta chupa wa' wa c'axc'obic. No'j na e ta c'u chu'ana ri cuaj ri'in, ma e chu'ana' janipa ri ca'aj Rilal» xcha'.

Mixwar c'ut, y lic chi'ana orar cha' quich'ij uchuk'ab ri c'ambal ipa capetic. Pakatzij wi, lic cacha ic'u'x che u'anic ri utz, no'j wa' lic c'ayew chiwe ma e ri iti'jil na jinta ucowil —xcha'.

Pakatzij wi cambi'ij chiwe: Pa tak catzijox wi wa Utzilaj Tzij che ronoje ruwachulew, cacuxtax c'u wi'xok ruma ri xu'ano —xcha'.

Xubi'ij c'u chique: —C'o jun unimal bis re camic chinuc'u'x. Chixc'ola can wara; mixwaric y lic chi'ana orar —xcha'.

Xalok' c'u ri' quewa'ic, ri Jesús xuc'am ri pam y xutioxij che ri Dios. Ewi xuwech'o, xujach chique y jec'uwa' xubi'ij: —Chitija', ma e nucuerpo wa' —xcha'.

Xuc'am c'u ri c'olibal c'o vino chupa, yey echiri' utioxim chi che ri Dios, xuya chique y conoje xquitij chuchi' wa' wa c'olibal. Xubi'ij c'u chique: —E nuquiq'uel wa', ri caturuw na cuma uq'uiyal ticawex re cuybal quimac, yey wa' e cujiquiba' uwach ri c'ac' tzij.

Ec'uchiri' ri Jesús xubi'ij chique: —Wak'ab iwonoje ri'ix quiwesaj na iwib chwij, ma e pacha' cubi'ij Ruch'a'tem ri Dios: Cancamisaj raj chajinel yey tak c'u ri' rubexex caquiquich bi quib cacha'.

¡Chixwa'lijok! ¡Jo'! Chiwila', ma ri cac'ayin we ri'in e la' xc'unic —xcha'.

Yey ri Jesús xuc'ul uwach: —Pakatzij wi cambi'ij chawe: Wa jun ak'ab, echiri' c'amaja' ne cabixon calaj ri teren, ri'at oxlaj chic abi'im na aweta'am ta nuwach —xcha'.