Popular Bible Verses from Tel tura Godndu 1

Share

Ala lə sí gə́ Njesigənea̰ gə́ aw no̰ sí’g lé yeḛ nja a rɔ mbata lə sí gə goo néje lai gə́ yeḛ ra mbata lə sí kəm sí’g mee ɓee gə́ Ejiptə lé tɔɓəi loo gə́ dɔdilaloo’g lé seḭ ooje to gə́ Ala lə sí gə́ Njesigənea̰ odo sí to gə́ dəw odo ne ŋgonee bèe, gə rəwje lai gə́ seḭ awje keneŋ saar teḛje ne lée’g neelé.

Maji kar Njesigənea̰ Ala lə bɔ síje-je lé ar bula lə sí ḭ dɔ maree’g as tɔl-dɔg unda nje gə́ kédé ləm, maji karee tɔr ndia dɔ sí’g to gə́ yeḛ un ne ndia ar sí lé ləm tɔ!

Ala lə sí gə́ Njesigənea̰ ula sí ta dɔ mbal gə́ Orɛb’g pana: Seḭ síje dɔ mbal’g neelé kuru sí əw as ŋga.

Aa ooje, ma m’unda ɓee lé no̰ sí’g ya, Maji kar sí awje aw taaje ɓee neelé gə́ ka̰ sí-seḭ ya. Mbata to ɓee gə́ Njesigənea̰ man ne rəa ar bɔ síje-je gə́ Abrakam, gə Isaak, gə Jakob mba kar dee-deḛ gə ŋgaka deeje gə́ goo dee’g ya.

Seḭ a kɔrje kəm dəwje gə mbata lə maji lə dee loo gaŋg rəwta’g lə sí el, seḭ a kooje ta lə dəw gə́ əḭ el gə dəw gə́ boo asəna-na̰: seḭ a ɓəlje dəw kára kara el mbata rəwta-gaŋg lé to ka̰ Ala ya. Tɔɓəi loo gə́ seḭ iŋgaje ta gə́ kədərə yaa̰ gə́ dum sí ndá seḭ a reeje ne rɔm’g gə mba kam m’oo sə sí gée.