Popular Bible Verses from Tel tura Godndu 11

Share

Seḭ a ndooje ŋgan síje taree ləm, seḭ a kula deeje taree loo gə́ seḭ síje mee kəije’g lə sí ləm, gə loo gə́ seḭ awje mbá’g ləm, gə loo gə́ seḭ a toje naŋg ləma, gə loo gə́ seḭ a k’ḭje tar ləm tɔ.

Taje gə́ ma m’ula sí neelé maji kar sí taaje meḛ sí’g gə ŋgaw meḛ sí bura. Seḭ a tɔ deeje ji sí’g kar dee to gə́ nétɔji sí ləm, d’a to ŋgo no̰ sí’g ləm tɔ.

Ɓó lé seḭ tədje kag godndumje gə́ ma m’un m’ar sí ɓogənè ləm, ɓó lé seḭ undaje Ala lə sí gə́ Njesigənea̰ dan kəm sí’g gə ŋgaw meḛ sí gə rɔ sí bura ləm tɔ ndá m’a kar ndi ər mee ɓee’g lə sí gə naḭyee-naḭyee, ndi gə́ doŋgɔr ləm, gə rudu ndi ləm tɔ ndá seḭ a kinjaje dɔ kó lə sí ləm, a kiŋgaje mán-nduú lə sí ləma, gə ubu lə sí ləm tɔ

Seḭ a kundaje Ala lə sí dan kəm sí’g ləm, seḭ a kaaje dɔ né gə́ yeḛ un ndia dɔ’g ar sí lé: godnduje ləa ləm, gə ndukunje ləa ləm, gə torndiaje ləm tɔ lé seḭ a kaaje dɔ dee kər-kər gə ndɔ sí ndɔ sí ya.

Aa ooje, ɓogənè m’unda ndutɔr gə ta ndɔl no̰ sí’g. Ɓó lé seḭ ilaje koji dɔ godnduje’g lə Ala lə sí gə́ Njesigənea̰ gə́ ma m’un m’ar sí ɓogənè lé ndá ndutɔr ɓa wɔji dɔ sí, nɛ ɓó lé seḭ tədje kag godnduje lə Ala lə sí gə́ Njesigənea̰ el ləm, ɓó lé seḭ ubaje goo rəwje gə́ ma m’un ne ndum m’ar sí mee ndəa’g neelé ya̰je gə mba kawje goo magəje gə́ seḭ gər deeje el ləm tɔ ndá ndɔl a nai dɔ sí’g ya.

Seḭ a ndaŋg deeje kag takəije’g lə sí ləm, gə tabidije’g lə sí ləm tɔ. Bèe ɓa ndɔje lə sí gə ndɔje lə ŋgan síje mee ɓee gə́ Njesigənea̰ man rəa gə mba kar bɔ síje-je lé d’a bula ne to gə́ ndɔje lə dara gə́ to ne dɔ naŋg’d tar sab lé ləm tɔ.

Undaje kəmkàr dɔ rɔ sí’g nà kəm sí a kər sí kar sí ubaje kankəm rəw gə́ maji ya̰je mba kaw pole magəje ləm, gə kundaje barmba dəbje kəm sí naŋg no̰ dee’g ləm tɔ.