Popular Bible Verses from Juan 1

Share

Konoje k'u ri' ri xkik'ulu y xkikoj rub'i', xya'taj chike keb'u'an e ralk'o'al ri Dios.

Che ri jeqeb'al lo re ruwachulew, xex chi k'o lo wi ri Tzij; ri Tzij xex chi k'o lo wi ruk' ri Dios yey ri Tzij e ri Dios.

Ri Q'ijsaq kawon chupa ri q'equ'm, y ri q'equ'm na kuch'ij ta k'ana uchupik.

Ek'u wa Tzij xu'an achi, xjeqi' k'u chiqaxo'l ri'oj, y xqil runimal uchomalil. Y wa unimal uchomalil e ri xuya ri Dios che Rire ruma xew Uk'ajol ri', yey Rire lik k'o unimal rutzil k'u'xaj y saqil Q'ijsaq ruk'.

Ruma ne Rire, ri Dios xu'an ronoje ri k'o che ruwachulew. We tamaji Rire, na ku'an ta ri' ri Dios janipa ri k'olik. Ruk' k'u Rire k'o wi ri k'aslemal, yey wa k'aslemal e Q'ijsaq chike ri tikawex.

Chuka'm q'ij k'ut ri Juan xril pan ri Jesús e ri' katajin roponik ruk' y jewa' xub'i'ij: «Chiwilape', wa' e ri Q'apoj B'exex re ri Dios, ri kesan re ri kimak ri tikawex che ronoje ruwachulew.

Tob' Rire e 'anayom re ronoje ri k'o che ruwachulew; echiri' xk'un che ruwachulew, taq ri winaq na xketa'maj ta uwach. Rire xk'un kuk' rutinamit, pero rutinamit na xkik'ul taj.

Ri saqil Q'ijsaq k'uninaq che ruwachulew, e kaq'alajisan runa'oj ri Dios chikiwach taq ri tikawex.

Ri Tzij Pixab' xya' ruma ri Moisés; no'j ri unimal rutzil uk'u'x ri Dios y ri Q'ijsaq e xq'alajin ruma ri Qanimajawal Jesucristo.