Popular Bible Verses from Juan 12

Share

»China ri karaj kachakun pa ri nuchak, chirajawaxik ri' katerej lo chwij. Jek'ula' tob' pa kink'oji' wi ri'in, chiri' kak'oji' wi ri waj chak. China k'u ri ka'anaw ri nuchak, ri' kayak uq'ij ruma ri Nuqaw.

Jek'uri'la', china ri lik kok il che ruk'aslem che ruwachulew, ri' e kujam ri k'aslemal chila' chikaj; no'j china ri na kok ta il che ruk'aslem wara che ruwachulew, ri' na kujam ta k'u ri chomilaj uk'aslemal na jinta utaqexik chila' chikaj.

Paqatzij wi kamb'i'ij chiwe: E juna ija' re trigo echiri' katzaq pulew, kamuqik y kakamik. Yey we na jela' ta ku'ano, kakanaj kan utukel xew ija'. No'j we rija' katzaq pulew, ri' lik kawachinik y jek'uri'la' kak'iyar uwach.

»In ri in Q'ijsaq in k'uninaq che ruwachulew cha' china ri kakub'i' uk'u'x wuk' ri'in, na kak'oji' ta pa q'equ'm.

No'j we k'o junoq xuta ri nuch'a'tem yey na ku'an ta ri kamb'i'ij, na in ta ri kinq'ataw tzij puwi'. Ma in k'uninaq che ruwachulew na re ta kanq'at tzij pakiwi ri tikawex; e in k'uninaq re keb'enukolob'ej konoje ri tikawex.

Ek'u ri María xuk'am lo jun libra re saqil nardo, wa' e jun kunab'al lik ki' ruxlab' y lik k'i rajil. Xuq'ej k'u ri' che ri raqan ri Jesús; tek'uchiri', xuchaqisaj ruk' ruwi'. Ronoje k'u rupa ja lik xmuyuy che ri ruxlab' wa kunab'al.

Xkiq'at k'u uxaq palma y xeb'el b'i che uk'ulik. Ek'uchiri', xkijeqo lik kesik'inik, jewa' kakib'i'ij: «¡Qayaka uq'ij! ¡Nim uq'ij ri jun petinaq chupa rub'i' ri Dios Qajawxel! ¡Rire e ri Rey re Israel!» kecha'.

Ek'u ri Jesús xub'i'ij chike: —Xopon k'u ruq'ijol ri yakb'al uq'ij Ralaxel Chikixo'l Tikawex.