Popular Bible Verses from Juan 15

Share

»In ri in raqan ri tiko'n yey ri'ix ix ruq'ab'. China k'u ri u'anom xa jun wuk' ri'in yey ri'in in xa jun ruk' rire, ri' lik kawachinik. Ma we iwesam iwib' chwij, na jinta kich'ij u'anik.

»Miwesaj iwib' chwij, jek'ula' xa jun qa'anom, ri'ix wuk' ri'in y ri'in iwuk' ri'ix. Ma e pacha' juna uq'ab' che' na kawachin ta xa utukel we kesax che ri raqan; jek'ula' ri' ri'ix, na utz taj kixwachinik we kiwesaj iwib' chwij.

»Yey we e la' xa jun i'anom ri'ix wuk' y na kik'ow ta chik'u'x taq ri nuk'utum chiwach, chitz'onoj k'u ri' sa' taq ri kiwaj y kaya'taj na chiwe.

Na ix ta xixcha'w we ri'in, in ri xincha'w iwe. Yey nuya'om piq'ab' ki'ana ri nuchak y jela' kiya uk'iyal ijiq'ob'alil y wa' na jinta uk'isik. Yey janipa k'u ri kitz'onoj che ri Nuqaw pa ri nub'i', Rire kuya na chiwe.

Na jinta juna k'utub'al re ri rutzil k'u'xaj más nim chwa wa': E junoq kuya ruk'aslem che uto'ik jun chik tob' ne kakam ruma.

We k'o k'u juna uq'ab' ri uva na kuya ta uwach, Rire kuq'at b'i. No'j k'u ri kuya uwach, xa e kujal uwi' re ku'an chom che cha' jela' kuya más uwach.

»Ek'u nutaqanik wa' kanya chiwe: Lik k'ax china'a iwib' chiwach jela' pacha' ri'in lik k'ax kixinna'o.

Ri Nuqaw lik kayaki' uq'ij echiri' ri'ix kiya uk'iyal ijiq'ob'alil y ruk' wa' kaq'alajinik pa saqil wi ix nutijo'n.

»In ri in saqil raqan uva y ri Nuqaw e ri aj chakunel chupa taq ri uva.

China k'u ri karesaj rib' chwij, jela' ka'an che pacha' ruq'ab' che' na jinta uchak, kachetik y kak'aq b'i. Kachaqij k'ut, tek'uchiri' kamolik y kaporox pa aq'.

»Ximb'i'ij wa' chiwe cha' ri nuki'kotemal kak'oji' iwuk' y kanoj k'u ri' ri iwanima' che ki'kotemal.

We e ki'an janipa ri kixintaq che, kixk'oji' k'u ri' chupa wa rutzil nuk'u'x, jela' pacha' ri'in nu'anom janipa ri inutaqom ri Nuqaw che u'anik yey in k'o chupa ri rutzil uk'u'x Rire.

Ek'u kixintaq che u'anik wa': K'ax china'a iwib' chiwach.

We ta e la' junam rib'inik ri'ix kuk' ri tikawex re ruwachulew, ri' lik k'ax kixna'ik. No'j in xincha'w iwe ri'ix chikixo'l ri winaq; e uwari'che tzel kixilik.