Popular Bible Verses from Lucas 19

Share

Yey ri in Alaxel Chikixo'l Tikawex, in k'uninaq che kitzukuxik y che kikolob'exik ri e sachinaq pa mak —xcha'.

jewa' kakib'i'ij: «¡Lik nim uq'ij ri Rey petinaq chupa rub'i' ri Dios Qajawxel! ¡Utzil chomalil k'o chila' chikaj y lik nim uwach uq'ij ri Dios chila' chikaj!» kecha'.

Ewi ri Jesús xub'i'ij: —Waq'ij xk'un ri kolob'etajik chupa wa rocho ri Zaqueo, ma rire e kuk'il ri ralk'o'al kan ri Abraham.

Echiri' xopon ri Jesús chuxe' ri che', xtzu'n chikaj y xril pan ri Zaqueo; y jek'uwa' xub'i'ij pan che: —Zaqueo, choq'otan qaja lo la, ma waq'ij lik chirajawaxik kine'kanaj kan chi ocho la —xcha'. Y ri Zaqueo maji chik xqaj loq y xuk'ul ri Jesús chirocho ruk' ki'kotemal.

Ek'uchiri', ri Zaqueo xtak'i'ik y jewa' xub'i'ij che ri Qanimajawal: —Tape la, wajawal: Pa nik'aj che ri nub'eyomalil kansipaj chike ri nib'a'ib'; yey we nu'anom eleq' che junoq ruk' sokoso'nik, kajlaj ruk'axel kantzelej che —xcha'.

E k'o k'u jujun fariseos chikixo'l ruk'iyal winaq xkib'i'ij che ri Jesús: —Lal tijonel, cheb'eq'atej la ri tijo'n la cha' na kakib'i'ij ta chi wa' —xecha'. No'j ri Jesús xuk'ul uwach: —Paqatzij wi kamb'i'ij che alaq, we ta rike kakitanab'a' ub'i'xikil wa', e taq rab'aj kakijeq kakiyak nuq'ij —xcha'.