Popular Bible Verses from Lucas 23

Share

Ewi ri Jesús xub'i'ij: —Nuqaw, kuyu la kimak, ma na kimajom ta usuk' sa' wa ketajin che u'anik —xcha'. Ek'u ri soldados ruk' jun sorteo xkijach kib' puwi ruq'u'.

Y ri Jesús xub'i'ij che: —Paqatzij wi kamb'i'ij chawe: Waq'ij ne ri' katopon wuk' chila' chupa ri chomilaj luwar pa e k'o wi ri e kolob'etajinaq —xcha'.

Ek'uchiri', xub'i'ij che ri Jesús: —Wajawal, chink'una ko chik'u'x la echiri' ko'ltaqana la —xcha'.

Ek'uchiri', ri Jesús lik ko xch'awik, jewa' xub'i'ij: —Nuqaw, paq'ab' la kanq'atisaj wi ri wanima' —xcha'. Xew xub'i'ij wa', asu xkamik.

Echiri' xeb'opon pa ri luwar kab'i'x che “Luwar re Ub'aqil Ujolom Anima'”, chiri' xya' wi ri Jesús chwa ri cruz; y ri ka'ib' eleq'omab', jun xya' puwikiq'ab' y jun pumox Rire.

Echiri' xtik'oj ri q'ij, xok q'equ'm che ruwachulew y wa' xu'k'isa k'a che ri urox ora b'enaq q'ij; oxib' ora na xwon ta ri q'ij. Yey chupa k'u ri Rocho Dios, ri telón xrich'rob' lo chunik'ajal.

Ri capitán ke ri soldados echiri' xrilo sa' ri xu'ano, xuyak uq'ij ri Dios, jewa' xub'i'ij: —Paqatzij wi wa'chi lik jusuk' y na jinta umak —xcha'.