Popular Bible Verses from Geenesis 39

Share

Naajaa, Pueyasoori Josee cojiriquiaa. Naacuatej, puetunu Josee miishanojanaari maninia quiquiaari na masena na camarnu Egipcio tiajinia.

Josee miiniuucua puetunu Potifar poonijiosanojuanaa na tiaco, Potifarri maja tari na tacaaniu quijia. Naacuatej, Potifarri saaja juhuajaniya miaquenuucua tiuquijiohua na tiajinia. Joseeri mashaja maniniu quijia. Puetunu na niquitiujiacajanaari na maniniucuatujua.

Naacuatej, cuno jiyaniijiaari Josee seerataquiaari nujuatejojuajinia na cojuanura puetunu narta nujuatejosano pueyajanaa. Joseeri narta nujuatejosano pueya saaneejojua nojori miiniuria puetunu nojori miishanojanaa nujuatejojuajinia.

Na camarnuuri jiyacari Josee quiaree. Tamasaca na seya na seeratareeri cuaara Josee nujuatetuura nujuatejojuajinia, tee cuniqui camarnu Faraoon nujuatejosano pueya nujuaturiquiaacuaani. Naajaa Josee nujuasacari nujuatejojuajiniatej Pueyasoori tii na cojiriquiaajuhuaj. Maninia miijiojua Joseejaari. Naacuatej, nujuatejosano pueya cojuanaa jiyaniijiaari Josee maniniucuaquiaari.

Na nuhuaji, Josee camarnu Potifar niquiocuaari coteequiaari Josee maniniucuanu. Tamonu juuca, cuno maajiiri naa Josee sequequiaaritij: —¿Taamueca mashajatequia? Cua canure. Joseeri saaja cuno maaji ruuretaree. Naa na sequereeri: —Cua camarnuutijia puetunu niya na tiajinia na jiitiasanojuanaa cua seeratarucuaate. Niya nera cua poonijionuucua na tiajinianij, nojuajaari maja tari na tacaaniu. Nio tiajinia, majaari puetunu na tiajinia na jiitiasanojuanaa cua seeratarucuaani. Maja cutaraari na sequenu quirii janiya, cua cojuanura quiajaniya. Nojuacuajaari niishiya quiaari necocua. Naacuatej, ¿janiyatucua taa sacuaraatia miiriucuara cua camarnuni? Naajuhuaj, naa miiniuniquitij cunoori tojetaarucuajanaa sacuaraatia Pueyasora.

Tamonu juuca saniniuujia, Joseeri juucua na camarnu tiaco tiuquiquiaari na poonijiosano na miiniuria. Jiyacaritij, majaari quenaaja niquiriyatu pueyano quiniu quiriquiaa tiaco. Cuno maajiiri Josee toquejiniji quiaree. Naa na sequereeri: —Cua canurejaj. Joseeri saaja netequee. Carijiniacuma tohuatamaari. Cuno maaji juaashiquiajinia tiujiaquee na toqueeri.