Popular Bible Verses from San Lucas 3

Share

Lubáragiñe ladaürǘniwa Juan, dan le labásteragüdüniña gürígia, badíseiti gíñe Jesúsu. Dánti le niján lan Jesúsu ayúmuragua lun Búngiu, ába lánjunrenchagun juánriñu, ába larijíniwa larárirun Sífiri Sándu luágun camá jamuga ában únjun, ába lagaambúniwa laríñagun ában umálali siélugiñe. —Amǘrü Niraǘ le jínsiñebei nun, gúndaatina báu.

ába laríñagun Juan joun súngubei. —Áu, láu dúna nabásteragüdaün, nítenbei ában le lúnbei labásterágüdünün láu Sífiri Sándu lúma láu queísi wátu geméti, ligía Crístubei. Gabáfutimaati nueí darí lun madǘna nan ni lun nafáragaduni tagǘrüga ligeídin.

Ígira jumeí binádu jigáburi, abágarida jumá lun gayára lan larijín buídu luágu sáansiguaali lan jigáburi. Maríñaga jumá jídaangua. “Linébaanfaangu Abrahám wagía”, ladǘga quei naríñaguni jun, gayáraati ladǘgün Búngiu linébaanfaangu Abrahám lídaangiñe buri dǘbü le.

Yaráfaali dan lun jafáyeijan luágu jifígoun queísi taráanserún jaráwa lun tánchuguni tídibu wéwe. Sun ídibu le mabuídunti lin lánchugúba, ábame lagudún.

Suséreti cátei le ítara queí meja labǘrüdüni proféta Isaías, laríñaga. Agaambúati lumálali ában agúarajati lídan fulásu mageírawati ítara. “Aráanseja jumoún janígi lubá liábin Wabúreme, queísi ladárarúniwa ǘma surúti. Labuínchagüdǘwaba sun gudúungu, sun wǘbü, lagurúaba, ǘma buri le segéti, lásururuba, ǘma buri le múaragunti, lúwaradaguba. Larijúbei sun uboú Wasálbaragüle, le loúnajabei Búngiu woun.”