Popular Bible Verses from Juan 10

Share

’E ajxujch watar tua' taca axujch'ian, y tua' taca achamsan, y tua' taca usati lo que ayan, pero nen tarien tua' inwajc'u e cuxtar xe' más nojta y xe' axin ab'oro iraj iraj.

Nen e ajcojc oveja xe' imb'utz. Inte' ajcojc oveja cocha era axin uyajc'u esto ucuxtar tua' ucorpes uyoveja.

E ovejob' xe' tanib'a unatob' jay jax nen xe' war onjron, y nen innata chiob' jaxirob', y jaxirob' axiob' tanipat.

Y nen inwajc'uob' e cuxtar xe' machi tua' ac'apa y machi ixto tua' asatpob', y mamajchi tua' uyub'i ulocse inte' oveja cocha era tama nic'ab'.

Nen jax e puerta, y tunor tin e o'choy tama e puerta era c'ani acorpesna. Y tin e acorpesna era erer o'choy y erer aloc'oy tua' usajca tuc'a tua' uc'uxi.

’Pues nen e ajcojc oveja xe' imb'utz, y innata chi niwoveja, y jaxirob' unatob' chien nen ub'an

Porque jax Nitata xe' ixin uyajq'uen y jaxir más ayan uc'otorer tama tunor, y mamajchi chi uyub'i ulocsiob' tama uc'ab' Nitata. Nen y Nitata interon taca, che e Jesús.

b'an cocha innata chi Nitata, y Nitata unata chien nen. Pues nen inwajc'u nicuxtar tua' incorpes tunor e niwoveja era.

Mamajchi uyub'i ulocse nicuxtar, pero nen c'ani inwajc'u nicuxtar tua' inchamesna umen taca que b'an c'ani inche. Y nen ayan nic'otorer tua' inwajc'u nicuxtar y ayan nic'otorer ub'an tua' insutpa imb'ixc'a tujam e chamenob'. Y b'an war inche porque b'an uyaren Nitata tua' inche, che e Jesús.

Pues entonces e Jesús sutpa ojron otronyajr y che: —C'ani inwareox era que nen jax e puerta tama e macte' tia' tua' o'choy e sian oveja.

Pero inte' man xe' war atojya tua' ucojco e sian oveja, conda uwira watar inte' nuxi tigre uyacta tunor e oveja y aloc'oy a'jni porque majax tuach e sian oveja era. Y e tigre axin tujor e sian oveja tua' ujajpi, y e sian oveja uxere ub'ob' y aloc'oy a'jniob'.

Entonces ojron e Jesús y che: —C'ani inwareox era que tin e machi o'choy tama e puerta lo que ayan tama e macte' tia' macar e ovejob', sino que intaca atob'oy tujor e macte' tua' o'choy, jax inte' ajxujch.