Popular Bible Verses from Juan 12

Share

Y tin e c'ani uche nipatnar uc'ani tua' ac'upseyan tut niwojroner, y tia' turen nen yaja' tua' aturuan tin e war uche nipatnar ub'an. Y Nitata c'ani utattz'i tunor tin e war uche nipatnar, che e Jesús.

Pues tin e uyajta ut ucuxtar tara tor e rum axin usati ucuxtar era. Pero tin e machi uyajta ut ucuxtar tara tor e rum machi tua' usati e cuxtar xe' machi tua' ac'apa.

C'ani inwareox era que jay machi apajc'a ingojr ut e trigo tama e rum tua' o'c'oy upat y acuxpa ut, aquetpa ingojr taca ut. Pero jay apajc'a y o'c'oy upat y acuxpa ut, meyra sian ut tua' uyajc'u tama ingojr ut trigo era.

Nen tarien tara tor e rum tua' injanch'acnes tunor e gente y tua' intacre tunor tin e ac'otoy ac'upseyanob' tamaren tua' machi ixto aquetpob' macuir e incsib'aner.

Pero jay ayan tin e uyub'i niwojroner y machi o'b'ianob' tut, majax nen xe' tua' inxin insatiob'. Porque nen tarien tara tor e rum majax tua' insati e gente sino que tarien tua' incorpesob'.

Entonces e María utares inte' media botella perfume xe' meyra atujri xe' uc'ab'a nardo. Y cay uyari e perfume era tupat uyoc e Jesús, y de allí cay utaquijse taca utzutzer ujor. Y b'utc'a tunor e otot era taca uyujtzner e perfume era.

Entonces cay uxuriob' uyopor e xan y uq'uechiob' ixin tua' axin uch'amiob' e Jesús tuti' e chinam, y cay aruob' taca inte' nuxi nuc y chenob': —Catattz'i uc'ab'a Cadiosir. Chojb'esb'ir jaxir xe' axin watar tama uc'ab'a Cawinquirar. Chojb'esb'ir jaxir xe' tua' aquetpa e nuxi Ajc'otorer tama e Israel, che e sian gente era.

Y che e Jesús: —War ac'otoy e hora conda nen xe' Uyunenen e winic c'ani insutpa inxin tut e q'uin.