Popular Bible Verses from Mateo 11

Share

Laric taniut tunorox xe' war ixc'oy umen que war ixpatna meyra y umen lo que cuchur imener, porque nen c'ani inchiox ixjiri tamar.

Pues conda war apatnob' chate' wacax axin aturb'ana inte' te' tama ujorob' xe' uc'ab'a yugo. Y cocha nen c'ani intacriox tama tunor ipatnar ochenic yeb'ar niyugo xe' q'uecher nimen era y canoenic tamaren porque nen inc'un niwirnar y machi tua' inq'uijna tacarox, y tamar era ixixin itajwi que ayan e jiriar tama iwalma.

Porque conda ixquetpa nut'ur tacaren yeb'ar niyugo c'ani inata que ma intran tua' ixxana tacaren y que ma intran tua' ixpatna tacaren, che e Jesús.

Entonces e Jesús uyare uyajcanuarob' y che: —Nitata c'apix uyajq'uen tunor lo que ayan. Y mamajchi unata chien nen xe' Uyunenen e winic sino que jax taca Nitata xe' war unata. Y mamajchi unata chi Nitata sino que jax taca nen xe' war innata, y tut tin e inxin inchecsu.

Y che e Jesús: —Quiquic arenic e Juan lo que war iwira y lo que war iyub'i. Arenic que tin e tajpem ani unac'utob' war ixto e'ronob', y arenic que tin e tz'ej ani uyoc war ixto axanob', y arenic que tin e ayan ani e chec tut xe' uc'ab'a lepra c'apa ixto ojri tutob'. Y arenic que tin e macar ani uchiquin war ixto ob'ian, y arenic que tin e chamenob' ani sutpa b'ixc'ob' ixto otronyajr, y arenic que tin e tzajtaca utob' war ixto uyub'iob' uyojroner e Dios tama e corpesiaj.

Tin e ayan uchiquin uyub'ic tunor era.