Popular Bible Verses from Mateo 19

Share

Entonces e Jesús uch'ujcu uwira utob' y che: —Mamajchi tua' acorpesna tamar taca utumin, pero tunor era intran tut e winicob'. Pero tut Cadiosir matuc'a intran tua' uche, che e Jesús.

Y tamar era mixto jax chate' ya' sino que aquetpob' intera taca. Y tamar era lo que e Dios unut'i ma erer atijresna umen inte' winic, che e Jesús.

Y che e Jesús: —¿Machi ca iche leer tama uyojroner e Dios que tama ucajyesnib'ir or e rum conda wartocto achena tunor era umen e Dios que jaxir uche inte' winic y inte' ixic? Y che jaxir: “Y tamar era inte' winic uc'ani tua' uyacta utu' y utata tua' axin uch'ami uwixcar, y conda uch'ami ub'ob' aquetpob' intera”, che e Dios.

Pero e Jesús uyare uyajcanuarob' y che: —Actanic ayopob' taniut tunor e maxtac y ira iquete iwab'uob', porque tunor tin e axin ac'upseyanob' tamaren b'an cocha war uchiob' e maxtacob' era c'ani o'choyob' tama uchinam e Dios, che e Jesús.

Y tama e tiempo xe' watar era tin e nuxi winic tara tor e rum c'ani aquetpa inte' xe' majax nuxi winic yaja', y tin e majax nuxi winic tara axin aquetpa inte' nuxi winic yaja', che e Jesús.

Y tunor tin e axin uyacta lo que ayan tua' b'an cocha inte' uyotot, o usacunob', o uwijtz'inob', o uwijtanob', o utu', o utata, o uwixcar, o umaxtac, o uc'opot tua' taca uche lo que uc'ani e Dios cocha war iche nox era, c'ani uch'amiob' cien veces lo que uyactob' era b'an cocha inte' utuanib'ir, y de allí c'ani uch'amiob' e cuxtar xe' machi tua' ac'apa.

Y che e Jesús: —Jay ac'ani tua' aquetpa erach tunor awirnar quiqui chono lo que ayan tab'a y ajc'un tin e tzajtaca ut. Y tamar era axin aquetpa meyra atuanib'ir tichan tut e q'uin, y de allí lar inco' tacaren, che e Jesús.

Y che e Jesús: —Net war awaren que erachen. Pero jax taca e Dios xe' erach. Y tamar era war awaren que Diosen nen ub'an. Pero jay c'ani ach'ami e cuxtar xe' machi tua' ac'apa, uc'ani tua' ic'upseyan tut uley e Moisés, che e Jesús.

Pues c'ani inwareox otronyajr que más ani uyub'i o'choy inte' nuxi arac xe' uc'ab'a camello tama uch'enar inte' aguja, pero más intran tua' o'choy tama uchinam e Dios inte' xe' meyra war ucojco tama utumin xe' meyra ayan tua', che e Jesús.

Y c'ani inwareox era que tin e axin uyacta uwixcar tua' utijres unujb'iar y asutpa anujb'i taca otronte' war ac'axi tama e mab'amb'anir. Pero jay uwixcar inte' war axana taca otronte' winic erer ani uyacta, che e Jesús.

Entonces e Jesús uyare uyajcanuarob' y che: —C'ani inwareox era que intran tua' o'choyob' tama uchinam e Dios tin e ayan meyra utumin.