Popular Bible Verses from Mateo 9

Share

Y tamar era e Jesús uyare uyajcanuarob' y che: —C'ani inwareox era que ayan meyra winicob' xe' turix tua' uch'amiob' niwojroner, pero ma tz'acarob' tin e war uchecsuob' niwojroner, b'an cocha inte' nuxi rum xe' turix tua' amorojsena e cosecha tamar pero que mato tz'acar e manob' xe' tua' umorojsiob' e cosecha era. Y tamar era inwareox que c'ajtinic taca Cawinquirar Dios tua' uyeb'ta watar más ajpatnarob' tua' uchecsuob' niwojroner, b'an cocha uc'ani tua' ac'ajtna tut e ajyum cosecha tua' uyeb'ta watar más ajpatnarob' tua' umorojsiob' tunor e nuxi cosecha era, che e Jesús.

Quiquic canoenic lo que war che uyojroner e Dios tia' che que: “Nen más inc'ani que ixixin ichecsu ib'a que inc'un iwirnar tut e gente que jay ixixin iwajc'u inte' arac tua' apurutna tama e altar.” B'an ch'ar tz'ijb'ab'ir tama uyojroner e Dios. Pues nen tarien majax tua' impejca tin e unatob' que imb'utz turob' sino que tarien tua' impejca tin e satrem turob' tua' asutpob' uch'amiob' uyojroner e Dios, che e Jesús.

Y conda e Jesús uwira tunor e sian gente, uyajta utob' porque war uwira que tzajtaca utob', y que matuc'a e jiriar tamarob', y que b'anob' cocha cora oveja xe' choquem xe' matuc'a uyajcojcob'.

Pero e Jesús war uyub'i tunor era y che: —Tin e majax ajmuac machi uc'ani inte' ajtz'aconer, sino que ajtaca tin e ajmuacob'.

Pues entonces e Jesús ixin tama inte' inte' chinam y tama inte' inte' aldea y war acanseyan tama tunor e sian sinagoga ub'an. Y war uchecsu uyojroner e Dios tama uchinam e Dios tut tunor e gente. Y war utz'acpes tunor tin e ajmuac tama inte' inte' muaquir.