Popular Bible Verses from Marcos 10

Share

Porque nen xe' Uyunenen e winic tarien majax tua' intacarna umen e inmojr, sino que tarien tua' intacriox y tua' inwajc'u nib'a tua' inchamesna tua' incorpes meyra gente, che e Jesús.

Pero e Jesús sutpa uwira utob' y che: —Pues mamajchi tua' acorpesna tamar taca utumin, pero tunor era intran tut e winicob'. Pero tut Cadiosir matuc'a intran tua' uche, che e Jesús.

Y che e Jesús: —Erer i'xin era porque tz'acpesnet ixto umen que war ic'upseyan tamaren, che e Jesús. Y wacchetaca cay eron e winic y cay xana tupat e Jesús.

Y tamar era lo que e Dios unut'i ma erer atijresna umen inte' winic, che e Jesús.

Entonces e Jesús uyajta ut e winic era y cay uwira ut y che: —Ayanto lo que aquetpa tua' ache: Quiqui chono tunor lo que ayan tab'a y ajc'un tin e tzajtaca ut. Y tamar era c'ani aquetpa meyra atuanib'ir tichan tut e q'uin, y de allí lar inco' tacaren, che e Jesús.

Entonces e Jesús uyub'i tua' e winic y che: —¿Y tuc'a ac'ani tua' inche tacaret? che e Jesús. Y e winic xe' tajpem unac'ut che: —Niwajcanseyajet, inc'ani tua' awerojse unacniut, che e winic.

Pero majax b'an tua' aquetpa tijam nox, sino que tin e c'ani aquetpa nuquir winic tijam uc'ani tua' aquetpa ajtacarsiaj tua' e inmojr.

Y c'ani inwareox que tin e machi c'ani uch'amiob' uchinam e Dios b'an cocha war uchiob' e maxtacob' era, machi ixto tua' o'choyob' tamar, che e Jesús.

Y conda cac'otoy tut e q'uin tin e nuxi winic tara tor e rum c'ani aquetpa inte' xe' majax nuxi winic yaja', y tin e majax nuxi winic tara tor e rum c'ani aquetpa nuxi winic yaja', che e Jesús.

Pero tama ucajyesnib'ir or e rum era conda wartocto achena tunor era umen e Dios, che que jaxir: “Uche inte' winic y inte' ixic.” Y de allí e Dios che: “Y tamar era inte' winic uc'ani tua' uyacta utu' y utata tua' axin uch'ami uwixcar, y conda uch'ami ub'ob', axin aquetpob' intera”, che e Dios. Y tamar era mixto jax chate' ya' sino que intera taca tua' aquetpob'.