Popular Bible Verses from Marcos 5

Share

Y e Jesús uyare e ixic y che: —Ijch'oc, tz'acpet era umen que war ic'upseyan tamaren. Quiqui tama o'tot taca ujiriar e Dios, y quetpaquet tz'acpesb'ir inyajrer tama tunor amuaquir era, che e Jesús.

Y ayan inte' ixic tujam e sian gente era xe' ajmuac que intaca anumuy uch'ich'er, y ayix doce año que war unumse ub'a cocha era. Y cay c'otoy meyra tut e sian ajtz'aconer y tamar era cay unumse ub'a meyra ub'an, pero intaca c'apa usati tunor utumin, y ma tia' tacarna tamar, sino que más cay erpa ixin umuaquir.

Entonces tama e momento era quetruma uch'ich'er y cay unata tama ucuerpo que tz'acpesna ixto tama tunor e muaquir era.

Entonces e Jesús uchuqui uc'ab' e ijch'oc y che: —Talita cumi, xe' war che: “Ijch'oc, nen inwaret, ¡achpen!” che e Jesús.

Pues entonces conda warto o'jron e Jesús taca e ixic c'otoyob' cora winicob' tua' uyotot e ajc'ampar tua' e sinagoga xe' cay ojronob' taca utata e ijch'oc y chenob': —Chamay awijch'oc. ¿Tuc'ato tua' warto aware Cawajcanseyaj tua' axin tama o'tot? che e winicob' xe' tariob' tama uyotot e ajc'ampar era. Pero e Jesús machi ub'ijnu tamar uyojronerob' era. Intaca sutpa uyare e ajc'ampar tua' e sinagoga xe' jax e Jairo y che: —Ira ib'acta. C'upseyanen tamaren taca, che e Jesús.

Pero b'an ojron e winic umen que e Jesús ya war o'jron ub'an y che: —Ajmab'amb'an mein, loq'uen tama e winic era, che e Jesús. Entonces uyub'i e Jesús tua' e winic era y che: —¿Tuc'a ac'ab'a? che e Jesús. Y jaxir che: —Nic'ab'a nen: “Meyra”, porque meyron xe' turon tama e winic era, che e winic.