Popular Bible Verses from Juan 15

Share

“Ohäpe uva lhile wet amel ahäpehen olhachal. Elh tä sat n'oyej wet olham osatej, häp tä wuj lhay tä iwoye. Tsi chik kahäpeya olham, niwohit m'ak chik lehanayej lewoyneje chik lhenlhi.

Asatyenay n'oyej, mälhyej tä olham osat amejen. Ihichet'a uva lhacha chik ihanej lhaiwoyneje chik iwo lhaya. Tajlhama chik hap'akej lefwetes, wet häp tä iwo lhaya. Häp tä hätet iwoye täjtso, chik amel kap'akaya n'oyej, tek lehanayej lewoyneje yämthilek lewo aya.

“Chik amel alesatyenay n'oyej wet chik äp lesatyen amejen olhämtes, alhaye m'ak at chik häpe chik lewatlä, wet Dios itihlat amejen.

Amenhit'ak letatshupiyay n'oye, mat olham t'at tä ottshupi amehen, wet one'tek lhekhen wet lhämay wuj lhay tä lewoyaye, häp lhay tä nittäya. Wet chik mälhyejtso, m'ak at chik häpe chik let'alhayeje Ojcha häp tä isej olhey, hiw'enla amhohen.

Wet häp n'ohumnhayaj tä lhäy'e lhip tä wuj häpe t'at tä hin'o iwompe lepuhfwas häp lham lew'atshancheyaj.

Wet olhacha chik niwoya lhaya, lham yiset. Mat olhacha tä iwo lhaya, tajlhama tä yisetlä lepesey yämthilek lhäy'e lhip tä iwo lhaya.

Häp täja olhämet tä one'tek lewoyaye: Humnhen aiyhäj hätet iwoye tä olham oaihumnhen.

Chik wuj lhay tä lewoyaye, häp tä lhain'älit Ojcha lewujyaj wet äpte n'äl tä ahäpehen t'at ochufwenkay tä matchehen.

Jesús tujlhache lhämet wet yok: –Ohäpe uva lhile tä matche, wet Ojcha häpe elh tä yenlhi.

Elh tä lhaknisatyena n'oyej õ'thatla alhoye wet tamchäyhla, hätehlat iwoye hal'ä lhachal tä õ'hutwek wet õ'thatho itäj tä õ'wunho.

“Owoynejetso olhämtes tä ofwel amhohen, häpkhilek okäjyaj tä in'oyej i'amejen wet nittäya lhip akäjyaj.

Chik lewoyaye olhämtes, häpkhilek lheyayhi t'at ohumnhayajna, hätet iwoye tä olham owoye Ojcha lhämtes wet oihi t'at lham lehumnhayaj.

Häp täja m'ak tä one'tek lewoyaye, oyok, Humnhen aiyhäj.

Chik amel ahäpkhihen honhat leles, lhamel tä honhat leles aihumnhen t'at, hätet iwoye tä lhaihumnhen. Mat tä ot'ä amhihen tä lheyayej lhamel, häp tä tamenej tä n'äyi amhomche, tsi nemhit ahäpehen honhat leles.