Popular Bible Verses from Luc 9

Share

Wet nech'e tahuyej nilhokej wichi wet yok: –Elh chik häpe chik t'uhläk yen hänekan'o, is chik lhaifwonlä lham lenech'ethayaj wet ifwalapej tilhäj laka cruz wet nek n'okwe.

Tsi elh chik nit'uyahläk leteläythayaj ihi, tatäyhla. Mat elh chik matche tä ihänlhin'o wet ninowayaye leteläythayaj, tafwayhla.

Jesús nichulho wet yok: –Elh tä iwo tesa tä isaji honhat, wet iyahinche tä tälhche, ikalhihit'a chik fwetaj iwoye Dios Niyatyaj lechumet.

¿Atsi m'ak chik hin'o isej chik ikalhi p'iya nilhokej m'ayhay tä ihi honhat, mat lham tatäy wet noj?

Tsi elh chik n'äfwelh n'o'pe lhäy'e olhämtes, häte Hin'o Lhäs n'äfwelhla'pe chik näm tä lewujyaj ihi, lhäy'e tä nekche lewujyaj tä iyej Lajcha lhäy'e ángeles tä t'amajchetes.

Jesús nichulho wet yok: –M'awo lhayis lhokwe ihi, wet afwenchey lhupis ihi t'at. Mat häp Hin'o Lhäs lew'et ihihit'a yämthilek lhay'up'at chik imä.

wet tahuyej lhamel wet yok: –Elh chik häpe chik ichumlä häp han'äfwaj tä mälhyeja tä ihänlhin'o, olham t'at tä ichum n'ohlä. Wet elh chik ichum n'ohlä häte ichumlä Elh tä lechenekn'o. Wet häp tä elh tä lhäy'e lhip tä w'et m'ayekfwaj t'at tä i'amejen, häpe elh tä inu'pe iyhäj.