Popular Bible Verses from Hechos 1

Share

Jaska man jawen unantidudan, jawen Yushin Pepa matu anu juaya jawen kushipa bitan Jerusalén anuxun inun Judea mai pakea inun Samaria mai pakea ja dabe jidabi anuxun inun chaijaida mai kesua anu jiwebaunabu anu bukubaunkin ekidi man jatuki chanikunkainyuxanaii— jatu wai

Jesúsun jatu kemakin: —Jatianda ibubis jawen kushipawen Epa Diosun jaska waxanaidan, matunamaki, man unantidubumadan. Jatun besti unainkiki.

Janua Jesús jawen kushipayabube niyuxun jau Jerusalén anua kainbainyamayuxanunbun jatu nemakin yuikin: —Jaska Epa Diosun matu yubani en matu yuishinadan, jau matu inankin yunuxanun nenua kaianma jabianuxuns manayuxankanwen. Chanima Juanen jenewen dukun jatu nashimakubainyamaki. Jakia eanan, jabiaskadi wakin samama duakabi Diosun Yushin Pepawen en matu nashimaxanaii, matu unanti wamakinan— jatu waya

Janua ma mawabiashina besteinmaxun jawen yuda kayabi ana xabakabi jatu kayatiwamakin jau unantijaidawanunbun xaba 40 día jatu uinmakin jaskai Dios nuku xanen ibuxunxanaikidi jatu jancha wakubainikiaki.

ninkakin uiainbun Jesús jaskabiama nai anu Diosun ainikin duntanbainai nai kuin bekin bepukin juneaya ana uianbumaken

Jesús jaska kainkin jatu jenebainai uin naiudi teskanxun uinkin jenediabumaken juni dabe sanpu juxupa sawea damia jatu bebun nitushitan jatu yuikin: —Galilea anuabuun, ¿jaskakin man naiudi uiain? Na jabias Jesús matu anua nai anu Diosun ainiaidan, jaskakainai man dama uinxu keskadiai ana jabiaskadiakidanxanikiki, jaudiadidan— jatu wabu