Popular Bible Verses from Lk 6

Share

Chexk'ehoq, ut taak'eemanq eere: jun chaab'il b'isok, tz'ajtz'otq, chiq'b'ilaq, b'uyb'utq taak'ehe'q eere. Xb'aan naq rik'in li b'isleb' nekexb'isok wi', texb'ise'q ajwi' laa'ex”.

Li chaab'il winq narisi chaq li us sa' li xch'ool xb'aan naq li chaab'ilal wank rik'in; ut li ink'a' usil winq narisi chaq li ink'a' us sa' li xch'ool xb'aan naq li maa'usilal wank rik'in. Rik'in li xnumnujenaqil li ch'oolej na'aatinak li xtz'uumal re li winq.

“A'ut laa'ex cherahaqeb' li xik' neke'ilok eere, chex'usilanq ut chexk'ehoq chi to' chi ink'a' teeroyb'eni reeqaj: jo'kan naq nimaq leeq'ajkamunkil ut laa'exaq ralal li Nimajwal, xb'aan naq A'an chaab'il rik'ineb' li ink'a' neke'xnaw yoxink ut rik'ineb' li ink'a' useb' xch'ool.

“Aj uxtaanaqex jo' naq aj uxtaan leeYuwa'.

“Mexraqok aatin, ut ink'a' taaraqmanq aatin sa' eeb'een. Mexk'ehok sa' tojb'amaak, ut ink'a' texk'ehe'q sa' tojb'amaak. Chexkuyuq maak, ut te'kuymanq eemaak.

“Ab'anan ninye eere laa'ex li yookex chi ab'ink we: Cherahaqeb' li xik' neke'ilok eere, cheb'aanu usilal reheb' li neke'tz'eqtaanank eere. Chetz'aama usilal sa' xb'eeneb' li neke'maa'usilank eere, chextijoq chirixeb' li neke'q'ab'ank eere.

Ut jo' chanru teeraj te'xb'aanu eere eb' li poyanam, jo'kan ajwi' cheb'aanuhaq laa'ex reheb' a'an.

Ani tixtz'aj chi ruq' laako chak'e ajwi' chixsak' li junpak'al; ut wi ani tixmaq' laab'atb'al, chakanab' ajwi' laawaq' re. Yalaq ani tixtz'aama k'a' re ru aawe, chak'ehaq re, ut wi ani tixchap li k'aru aawe, maapatz' chik.

“Maajun li chaab'il che' ink'a' ta us li ru tixk'e, chi moko li ink'a' usil che' chaab'ilaq ta li ru tixk'e.

Rik'in li naruuchin, li che' nanawe'k ru. Ink'a' nasik'mank li iig sa' li k'ix, chi moko li uub' sa' li pajl.