Popular Bible Verses from Génesis 15

Share

Naporinso natanahuaton: “Yosë noꞌtëquën nontërinco,” tënin Apran. Naporinso marëꞌ Siniorori nóya niꞌnin huachi.

Ina piquëran Siniorori, Apran yaꞌnotërin. Co huëꞌëponahuëꞌ, huaꞌnarëso pochin nontërinsoꞌ natanin: —Apran, ama tëꞌhuaquësohuëꞌ, carinquën paꞌpoyaranquën. Panca acanamiataranquën, itërin.

Itahuaton, nëꞌmëtë pëinën quëran ocoirin. Ocoirahuaton, shaꞌhuitërin: —Piꞌiroꞌtë nëꞌpërahuaton, tayoraroꞌsa pichiquëꞌ. Nanitohuatan pichiquëꞌ. Ina nápo shiparinpita yaꞌhuëtarinquën, itërin.

Siniororiso nipirinhuëꞌ, itapon: —Co ina yaꞌhuërëtaponquënhuëꞌ. Huiꞌnan chachin yaꞌhuërëtaponquën, itërin.

Naporoꞌ Siniorori itapon: —Aꞌna tahuëri shiparinpita, nisharoꞌsataquë yacapataponaꞌ. Inaquë piyapitatonaꞌ, camaiyaponaꞌ. Aparisitaponaꞌ. Catapini pasa piꞌi inapoaponaꞌ.

Napotopirinhuëꞌ, Apranisoꞌ itapon: —Sinioro. Quëmaso Yosënquën. Panca acanamiatopirancohuëntaꞌ, co huiꞌnahuë yaꞌhuëtërincohuëꞌ niꞌton, topinan quëran nisarin. Co aꞌnaya tëranta huiꞌnahuë quëtërancohuë niꞌton, piyapinëhuë Irisëro itëraiso yaꞌhuërëtaponco. Inaso Tamasco piyapi nipirinhuëꞌ, chiminpato yaꞌhuërëtaponco, itërin.

Naporo tahuëri chachin, Sinioro Apranë anoyatërin. Anoyataton itapon: —Shiparinpita iso noꞌpaꞌ quëtarahuë: Iquipito iꞌ quëran huarëꞌ Iopiratisiiꞌ pancaiꞌpaꞌ, huaꞌanëntopiso naniarin.

Catapini shinpita huënton, yaꞌhuërin piquëran, shiparinpita isëquë chachin huëntaponaꞌ. Amororoꞌsa co noyahuëꞌ nipisoꞌ, co aquëtë huarëꞌ nishátërarinhuëꞌ. Napoaton naporo tahuëriꞌsa huarëꞌ anaꞌintarahuë huachi.