Popular Bible Verses from Génesis 9

Share

Canpitarëꞌco nani anoyatomiatërahuë. Maꞌsharoꞌsarëꞌcontaꞌ, nani anoyatërahuë. Ina yonquicamaso marëꞌ yahuaꞌtanëhuë inápaquë acoarahuë.

Yahuaꞌtan chitoroquë yaꞌnohuachin niꞌsarahuë. Ina niꞌpato, yaꞌipi piyapiꞌsarëꞌco yaꞌipi maꞌsharoꞌsarëꞌco anoyatërahuësoꞌ, ayonquiarinco.

Insosona piyapi tëpahuachin, aꞌnari iꞌhuërëtarin. Cá pochachin nicamaso marëꞌ acoranquëmaꞌ. Napoaton, co nitëpamaso yaꞌhuërinhuëꞌ.

Naporoꞌ Noi, huiꞌninpitarë chachin, Yosëri nóya yonquirapiton iso pochin shaꞌhuitërin: “Naꞌa huiꞌnahuanatomaꞌ, yaꞌipiroꞌpaquë yaꞌhuëcoꞌ.

Carima yaꞌipi inapita capamaso marëꞌ quëtaranquëmaꞌ. Nisha nisha huëronoꞌsanta caꞌcoꞌ. Maꞌsona tëranta nayaramaso caꞌcoꞌ.

Yaꞌipi maꞌsharoꞌsaꞌ, anpiantëhuanoꞌsaꞌ, marëquë yaꞌhuërinsopita, inapita huaꞌanëntaramaꞌ. Inapitaso tëꞌhuatarinënquëmaꞌ.

¡Napoaponahuëꞌ, canpitaso naꞌa huiꞌnahuanatomaꞌ, yaꞌipiroꞌpaquë yaꞌhuëcoꞌ!” itërin.