Popular Bible Verses from Lucas 19

Share

Naꞌa piyapiꞌsaꞌ co Yosë natëtonahuëꞌ, chihuëpi pochin nipi. Inapita yonicaꞌhuaso marëꞌ oꞌmarahuë. Cancanënaꞌ anoyacancantaꞌhuaso marëꞌ oꞌmarahuë, tënin Quisoso.

Oriposë panën quëran nohuarapona pochin, imarinsopita chiníquën nonsapi. —¡Ma noyacha Quisososo paya! Nani maꞌsha nitotërin. Yosë nohuanton, naꞌa caniaꞌpiroꞌsaꞌ aꞌnaroáchin anoyatërin, niꞌnai. Yosëri aꞌpaimarin huaꞌanëntinpoaso marëꞌ. Siniorori chachin chiníquën nanan quëtërin. ¡Ma noyacha Yosëso paya! Nanan anoyatërinpoaꞌ niꞌton, noya yonquirinpoaꞌ, topi. Noya cancantatonaꞌ, napopi.

Itohuachina, Quisosori itërin: —Ipora tahuëri Yosë nichaꞌërinquën. Saꞌan, huiꞌnanpita, inapitantaꞌ nichaꞌërin. Apraan shinquën niꞌton, nichaꞌërinquën.

Quisososoꞌ inaquë canconahuaton, nëꞌpëconin. —Iya Saquio, manóton nohuaraquëꞌ. Ipora tahuëri quëma pëinënquë yacahuaranquën, itërin. Napotohuachina, manorahuaton, nohuaraimarin. Paꞌyataton, “Noya Maistro. Huëquëꞌ niꞌquico,” itërin. Ina quëran pëinënquë quëparin.

Saquioso nipirinhuëꞌ Quisoso aꞌchininsoꞌ natanahuaton, noya natërin. Napoaton itapon: —Nani maꞌsha Sinioro yaꞌhuëtërinco. Ipora patoma saꞌahuaroꞌsaꞌ quëtarahuë. Iráca aꞌnaya aꞌnaya nonpintato, ihuarahuësoꞌ naꞌcon naꞌcon quëtantarahuë. Aꞌna marëíchin nipirinhuëꞌ, catapini quëtantarahuë, itërin.

Parisioroꞌsari natanahuatonaꞌ, noꞌhuipi. —Imarinënsopita Maistro, shaꞌhuitëquëꞌ taꞌchinaꞌ, itopi. —Taꞌtopi naporini, naꞌpiroꞌsa tërantaꞌ chiníquën nointonahuëꞌ, tënin Quisoso.