Popular Bible Verses from Zaŋ 10

Share

Muhulo, a so sey ngi hul, ngi sli ˀay ngi gwat, yo ngi hirya gwat tewle. Ya i so ɓa mizli a lumam siifa, ɓa a lumam haɗa hã fineˀ gidaŋ.

Ya i mijigin mezleŋ. Mijigin mezle a vula hirnga naŋ vur tumuŋ naŋhay.

Tumuŋ ɗuwoy a cinam ˀay ɗu. Yi si na taŋ le, yo a sipikiy.

Ya i vula taŋ siifa ngi sete, t'anta sa micam ta ndiɗaˀ. Yo mbur matiɓa taŋ gu tisi haŋ ɗu, anta.

Yi mi ngi gezleŋ. Da mbur mici le tir ya na, a sa lihi. A sa bi, a sa mawa, a sa lum gwat ngi zumo ma kini.

Ya i mijigin mezle, i si na tumuŋ ɗuwoyo le, yo tumuŋ ɗuwoy kwana, a sinikiy le.

Baha muvuliy taŋ na, naŋ madiɗa fineˀ gwatay gar, yo ko mbur misi ti gidaŋ ngi tiɓa gwat tisi haŋ ngi Baha gu, anta. Ya ati Baha, ndra purla.»

Baha a siniy le, yo ya kwana, i sinaŋ le ya, naŋ kine, yi vula hirnga ɗu vur tumuŋ ɗuwoy aya.

Mbur maziziy hirnga gu anta, amma i ya mavula ti haŋ ɗu. Y'ada ti gidaŋ ngi vul naŋ, yo y'ada ti gidaŋ ɓa i luuma a muŋ. Ɓi Baha miɓiy di ɗaˀ le, ɓa yi ga na, i nah so.»

Dar Yesu a ɓi ma: «Gisiŋ gisiŋ, yi ɓukum na: Yi mi ngi gezleŋ ngi tumuŋhoy.

Mbur majigin ngi luuma migir na, i mijigin migisiŋ gisiŋ ta, asi tumuŋhoy inga naŋhay ta. Da a pura le kiriɓuh ara so ng'ava na, a pula tumuŋhoyo, a kil. Joˀ kiriɓuh a ja taŋ, a zliɗa hirnga taŋ.

«Gisiŋ gisiŋ, yi ɓukum na: mbur maci ng'ar gezleŋ ngi tumuŋhoy tir mi naŋ ta, amma matuwuɗ tir li mekelem pal na, i muhul, yo i mufuyovu.