Popular Bible Verses from Zaŋ 14

Share

I mbəkadakwar zozoy, i vəladakwar zozoy ɗaw. I vəladakwar na andza ma ndaw ma bəla hay tikay, 'ərev ka da həɓakwar zlay, ka da wasam zlay.

Yezu ma ləvar: «Yah na tsəveɗ, yah na mey ma dərka, yah na mendzey, ɗaɗa ndaw ma slafa me husey ka tsakay ma Baba mandzara yah na dakay.

Hayna 'ərev ka da həɓakwar zlay, ka pam 'ar ka Bay ma Bəla kakay ɗaw, pam 'ar ka yah ana tiyatsa.

Ndaw ma dzaŋgərey ana, Mesəfrey Kokwoɗ ana, na Baba ma da slərawa da mezəley ɗaw ana na, a da tatəkadakwar tek hay tabiyaha. Ka da sərafəmata ka tek na i ma tsakwar ana hay tabiyaha.

Ndaw ma zəgafata har ka mey ma mewey ɗaw hay, me key andza ha na, ndaw aŋga na na, a wuɗaya. Arka ndaw ma wuɗaya na, Baba ɗaw a da wuɗa tiyatsa. Arka yah ana tey na, i da wuɗa, arka na, i da ɓada vaw ɗaw da ŋga.»

Yah tey na, i da ɗular mey a Baba, a da vəlukurawa ndaw ma dzaŋgərey ana mekelehe, a da ndzey ta kuray ma tsoy aha. Ŋga na, Mesəfrey ma Dərka, na bəla ma slafa ma ŋgəla kakay ana, mavəday a nəkar a dey kakay, a sərada kakay. Kuray na ka səradama zləna, hərway ma ndza ha ka tsakay kwar, ma ndza ha da vaw kwar.

Tek a kwar tabiyaha, ma tsəham da mezəley ɗaw na, i da kata, ma aza Baba ka ndzefey maram da Bəzey. Haɗaw ka tsəhafəmaya tek da mezəley ɗaw na, i da ka tek ana.

«Haɗaw ka wuɗəmaya na, ka da kam andza mey ma mewey ɗaw me ləvey ana hay.

Da 'ay Baba ɗaw na, slam mendzey na belem belem. Hana na atay andza ha kakay na, i ka ləvakwar, i daway, i da ləmakwar slam mendzey da huɗa kakay seŋgey.

Kendzey andza i ka daway, i ka ləmadukurawa slam ana ba na, i da mawa, i da həlukuraɓa ka tsakay ɗaw, ma kuray ka da ndzam ka slam a ɗaw, i ma ndza ha kava na tey.

Tomas ma ləvar: «Bay’ərlam a ɗaw, slam eɗek ana ma daway a huɗa na dzay na, la səradama kakay tok na, la da səradəməraɓa tsəveɗ ana na teŋgey?»