Popular Bible Verses from Joni 10

Share

Mwiipi ulesabo mukwiipa, kucaya akunyonyoola, sombi nebo ndakesa ayi bantu babe abuumi, buumi bwancinencine.

“Ndi mweembeshi mubotu. Mweembeshi mubotu ulaaba buumi bwakwe ceebo ca mbelele shakwe.

Mbelele shangu shilanyumfwa liswi lyangu, ndishishi ashalo shilankonkela.

Ndashipa buumi butamaani alimwi teshi shikafweewo. Taaku muntu weenga wanyaya.

Ndi mulyango alimwi uyo woonse unjila kwiinda muli ndime ulaakupulushikwa. Ulaakwinjila akuswa alimwi akucana cakulya.

Nebo ndi mweembeshi mubotu, ndishi mbelele shangu ashalo shilinshi.

BaTa abo bakampa mbelele ishi baleendaawo nkusu pabantu boonse. Taaku weenga washikusha mulyaansa lyabo. Nebo abaTa tulibo womwi.”

Bweenka mbuli baTa mbobenshi anebo ndibeshi. Paceebo ceeco ndisuminite kwaaba buumi bwangu ceebo ca mbelele shangu.

Taaku muntu weenga wanyaya buumi, ntoobwaaba nemwiine mukuyanda kwangu. Ndicite nkusu sha kubwaaba akububoosha. Uyu ngomulawo wakampa baTa.”

Aboobo Jesu wakabaambila alimwi ayi, “Ntoomulwiita calushinisho ayi ndime mulyango wa mbelele.

Sombi mweembeshi wakenjilabo ncito uteshi mwinesho, na wabona umpe keesa kumbelele ulashishiya, wacica. Lyalo umpe ulacatawo shimwi mpeeke shimwi shilapalangana.

Jesu wakaamba ayi, “Ntoomulwiita calushinisho ayi muntu utanjilili kumulyango wa cimpati ca mbelele, sombi watantilabo pamwi, ngumwiipi alimwi ngumupambi.