Popular Bible Verses from Joni 12

Share

Uyo woonse utooyanda kusebensela ndime, ulyeelete kunkonkela kwaamba ayi nkweenga kaambete, alakwe musebenshi wangu akanooliiko. Abalo baTa balaakupa bulemu muntu woonse usebensela ndime.

Muntu usunishi buumi bwakwe ulaakubusowa, sombi uyo upatite buumi bwakwe bwa mucishi ca panshi, ulaakuba abuumi butamaani.

Ntoomulwiita calushinisho ayi luseke lwa maila, na lwabula kulokela mubulongo akufwa, inga kalulibo lomwi lyoonse, sombi na lwalokela mubulongo akufwa, lyalo inga lwashala ashimwi shiinji.

Ndakesa mucishi ca panshi bweenka mbuli mumuni kwaamba ayi uyo woonse eshi ashome muli ndime atabi mumunshinshe.

Na muntu wanyumfwa maswi angu, nakubi boobo wabula kwaakonkela teshi nkamoomboloshe mukwiinga nshina kwisa mukoombolosha bantu, sombi mukubapulusha.

Lyalo Maliya wakanyamuna musaashi wa mafuta anunkila kabotu amakwebo eetwa ayi nadi, ayo ngaakapuumwita pashimpanta shakwe Jesu akushipukuta amisusu yakwe mwiine. Mpeeke muŋanda mwakesulabo keema kabotu ka mafuta ayo.

Lyalo bakatema malala akumucinsha munshila, kabaya coolobesha ayi, “Alumbaishikwe Lesa! Aape coolwe kuli wooyo utoosa muliina lya Mwaami Lesa! Aape coolwe Mwaami wa Isilaeli!”

Jesu wakakumbula ayi, “Ciindi cashikila cakwaamba ayi MwanaaMuntu alemekwe.