Popular Bible Verses from Luka 6

Share

Ɩha lɛlaa nɛ Ɛsɔ ha-mɩ. Mbʋ́ ɩmaɣzɩɣna nɛ ɩɖʋʋ lɛlaa yɔ, ḿbʋ́ ɖɔɖɔ Ɛsɔ kɔŋ-mɩ maɣzɩnaʋ. Ɛɖʋʋ-mɩ nɛ eciɣdi nɛ pɩñɩɣ ɖeu nɛ pusu pɩwadɩ waaa.»

Ɛyʋ kɩbanʋ yɔɔdʋʋ tɔm kɩbandʋ ndʋ́ tɩhaɣ ɛ-taa yɔ. Piyele kɩdɛkɛdʋʋ ñɔyɔɔdʋʋ kɩdɛkɛdɩtʋ ndʋ́ tɩhaɣ kʋkʋ taa yɔ. Mbʋ́ pʋyɔɔ yɔ, tɔm ndʋ́ tɩhaɣ ɛyʋ taa yɔ, ńdʋ́ lɩɣnɩ ɛ-nɔɔ taa.»

Mɩ lɛ, pʋwɛɛ se ɩsɔɔlɩ mi-koyindinaa nɛ ɩla ɛyáa camɩyɛ. Ɩkɩndɩ-wɛ, ɛlɛ́, ɩtaaɖaŋ se paahɛyɩ-mɩ. Peeɖe ɩmʋʋ kɩhɛyʋʋ sɔsɔʋ nɛ pɩwɩlɩ se ɩkɛ Ɛsɔ Caabiyuu piya. Mbʋ́ pʋyɔɔ yɔ, ɛlakɩ mbá pɛfɛyɩnɩ ɛsɩmɩyɛ yɔ nɛ kañadɩnaa camɩyɛ lakasɩ.

Ɩna ɛyáa pʋtɔdɩyɛ ɛzɩ mɩ-Caa Ɛsɔ yɔ.»

Yesu tasɩ-wɛ heyuu se: «Ɩtaahʋʋnɩ nɔɔyʋ nɛ Ɛsɔ ɛɛhʋʋnɩ-mɩ. Ɩtaakʋ nɔɔyʋ tɔm nɛ Ɛsɔ ɛɛkʋʋ mɩ-ñɩndʋ. Ikpeɣ nɛ Ɛsɔ kpeɣ-mɩ.

Pʋwayɩ lɛ, Yesu tasɩ yɔɔdʋʋ se: «Mbá mɩ iwelesiɣni-m yɔ, meheyiɣ-mɩ se ɩsɔɔlɩ mi-koyindinaa nɛ ɩla mbá papaɖɩɣ-mɩ yɔ camɩyɛ. Ɩwazɩ mbá pawɩlɩɣ-mɩ kpalʋʋ yɔ pɔ-yɔɔ nɛ ɩsɛɛ Ɛsɔ mbá panazɩɣ-mɩ yɔ paba yɔɔ.

Mbʋ́ ɩcaɣ se ɛyáa ɛlabɩ-mɩ yɔ, ɩlabɩ-wɛ ɖɔɖɔ ḿbʋ́ ɖeyi ɖeyi.

Yee nɔɔyʋ ɛcɛbɩ ña-laɣzaɣ kadaŋa yɔ, kɛzɩ lɛɛka nɛ ɛtɛzɩ-kɛ cɛbʋ. Yee nɔɔyʋ ɛmʋ ño-toko sɔsɔʋ yɔ, yele nɛ ɛtɛzɩ cikpeluu mʋ́ʋ. Yee nɔɔyʋ ɛsʋlʋmɩ-ŋ nabʋyʋ yɔ, taapɛm-ɩ. Yee nɔɔyʋ ɛkpaɣ ña-ñɩm yɔ, taapɔzɩ-ɩ se ɛcɛlɩ-ŋ-pʋ.

Yesu tasɩ-wɛ tuuu eduuye se: «tɩʋ kɩbaŋgʋ ɛɛlʋlʋʋ pee kɩdɛkɛdɛɛ nɛ tɩʋ kɩdɛkɛdʋʋ ñaalʋlʋʋ pee kɩbana.

Pasɩŋ paa tɩʋ ŋgʋ́ nɛ ki-pee. Paakoyuu hiyikajásɩ sɔɔ tɩʋ yɔɔ, paakoyuu ɖɔɖɔ leemiŋ ŋgone yɔɔ.