Popular Bible Verses from Génesis 17

Share

Abramqa isqon chunka isqonniyuq watanpi kachkaptinmi Tayta Dios rikuriykuspan nirqa: Ñoqam kani Tukuy Atiyniyuq Tayta Dios, munasqayman hinayá kawsay.

Chaynaqa, manañam Abramñachu sutikiqa kanqa, aswanqa Abrahamñam, nana-nanaq runakunapa taytanñam qamqa kanki.

Pactotam qanwan ruwani chaynataq miraynikikunawanpas, qampa chaynallataq miraynikikunapaqpas wiña-wiñaypaq Diosnikichik kanaypaq.

Kaynam qanwan pacto ruwasqayqa kanqa: Qanmantam achka nacionkuna lloqsinqa.

Diosñataqmi nirqa: Cheqaptapunim warmiki Sara qampa churikita wachakunqa, hinaptinmi Isaacwan sutichanki, paywanmi wiñaypaq pactota ruwasaq, chaynallataqmi mirayninkunawanpas.

Kay yachasqayki Canaán llapallan allpatam qanman, chaynallataq miraynikikunamanpas wiñaypaq qosqayki, hinaspam Diosnikichik kasaq, nispa.

Chaymi Abraham pampakama kumuykuspan asikurqa, hinaspanmi sonqonpi nirqa: ¿Pachak watayuq runapas yaqaraqchum churiyuq kanman? ¿Sarapas isqon chunka watayuqchum wachakunmanraq? nispa.

Abrahamtam huktawan Dios nirqa: Kunanmantaqa warmikipa sutinpas manañam Saraiñachu kanqa, aswanqa Sarañam.

Señalankichikqa qari kayninpa qarachanta kuchuspam, chaymi qamkunawan pacto ruwasqaypa señalnin kanqa.

Pactoytam ichaqa Isaacwan sapinchasaq. Paytam wataman kunan hinata warmiki Sara wachakunqa, nispa.

Kunanmantam qamkuna ukupi naceq lliw qari wawakuna pusaq punchawninpi qari kayninpi señalasqa kanqaku, señalasqam kanqa wasikipi naceqkunapas, mana miraynikimanta kaqkunapas, huklawmanta hamuspa qamkunawan yachaqkunapas chaynallataq qollqewan rantisqaykikunapas, lliwmi señalasqa kanqaku. Chaynapim pacto ruwasqayqa cuerpoykichikpi wiñaypaq señal kanqa.