Popular Bible Verses from Génesis 26

Share

Chaynaqa, kay allpapi mana llaqtayuq hina yachay, ñoqam qanwan kasaq hinaspam bendecisayki. Qanmanwan miraynikikunamanmi kay allpakunata qosqaykichik, chaynapim taytayki Abrahamman juramento ruwasqayta cumplisaq.

Miraynikikunatam cielopi chaskakunata hinaña mirachisaq, kay allpakunatam miraynikikunaman qosaq. Kay pachapi llapallan nacionkunam miraynikirayku bendecisqa kanqaku. Chaynaqa, kanqa kunasqaykunata, decretoykunata, kamachikuykunata hinaspa yachachikuyniykunata Abraham kasukusqanraykum, nispa.

Chaynapim Isaacqa huklawman anchurikuspan chaypipas huk pozota uchkuchirqa, chaypim ichaqa manaña piñanakurqañachu. Chaymi “Hawkayay pozowan” suticharqa, hinaspam nirqa: Kunanqa Diosmi bendeciykuwanchik kay allpapi achkayananchikpaq, nispa.

Chaypim rikuriykuspan Tayta Dios nirqa: Egipto nacionmanqa ama riychu, ñoqapa nisqay allpapi yachay.

Chaymi Isaac huk altarta chaypi perqaspan Tayta Diosta mañakurqa. Chaypim carpantapas sayachirqa, serviqninkunañataqmi huk pozota uchkurqaku.