Popular Bible Verses from Génesis 32

Share

Hinaptinmi chay runa nirqa: Manañam Jacobñachu sutikiqa kanqa, aswanqa Israelñam, Dioswanpas chaynataq runakunawanpas peleaspa vencerusqaykirayku, nispa.

Chay qarim Jacobta nirqa: Achikyamuchkanñam, kachaykuway pasakunaypaq, nispa. Jacobñataqmi nirqa: Mana bendeciwaptikiqa manam kacharisqaykichu, nispa.

Jacobñataqmi sapallan qeparurqa, chaypim huk runawan achikyanankama pelearqa.

Chaynapim Jacobqa chay lugarta Penielwan suticharqa, kaynata nispa: Diosta rikuruchkaspaypas kawsachkaniraqmi, nispa.

Chay runam mana venceyta atispa Jacobta pierna kuchunpi waqtarurqa, chaymi Jacobpa huknin piernan moqakururqa.

Chaymi chay runa tapurqa: ¿Imataq sutiki? nispa. Payñataqmi nirqa: Jacobmi, nispa.

Jacobñataqmi chay runata tapurqa: Kunanyá sutikita willaykuway, nispa. Payñataqmi nirqa: ¿Imapaqtaq sutiymanta tapuwanki? nispa. Hinaspanmi chaypi bendeciykurqa.

Cheqaptapunipas manam kuyapayakuynikita chaskinaypaq hinachu kani. Tawnayuqllam kay Jordán mayutaqa chimparqani, kunanmi ichaqa iskay atajo kapuqniyuqtaña kutirachimuwanki.

Jacobta pierna kuchunpi waqtarusqanraykum Israel runakunaqa mana mikunkuchu animalpa piernanpi kaq ankuntaqa kunan punchawkamapas.

Chaymantam Jacobqa Diosta mañakurqa: Abueloy Abrahampa chaynataq taytay Isaacpa yupaychasqan Tayta Dios, qanmi niwarqanki: “Taytaykipa aylluykikunapa kasqanman kutikuy, hinaptinmi allinta ruwasqayki nispayki”.

Wawqey Esaumanta libraykullaway, paytaqa manchakunim. Hamuruspachá warmikunata, wawakunata wañurachinqa.