Popular Bible Verses from Génesis 6

Share

Chaymi runa ruwasqanmanta, Tayta Dios llumpayta pesakurqa, sonqonpipas anchatam llakikurqa.

Tayta Diosmi qawarirqa kay pachapi runakuna llumpay mana allin ruwayllapiña kasqankuta, chaynallataq yuyaymanayninkupas sapa punchaw mana allin ruwayllamanña qokurusqanta.

Noeytam ichaqa Tayta Dios allinpaq qawarqa.

Kaymi Noeypa vidanmanta willakuy. Noeyqa karqa runamasinkunamantapas allin ruwaq runam, payqa mana faltayuq kaspam Diospa munasqanman hina kawsarqa.

Chayraykum Tayta Dios nirqa: Kay pachapi unanchasqay runakunatam chinkarachisaq. Chaynataqmi uywa animalkunatawan purun animalkunatapas, qasqonpa puriq animalkunatawan alton pawaq animalkunatapas chinkachisaq. Pesakunim ruwasqaytapas, nispa.

Runakuna kay pachapi mirayta qallaykuptinkum warmi churinkupas nacemurqa. Diospa churinkunam, runakunapa warmi churinkuna kuyayllapaq kasqanta qawaykuspanku, munasqankuta akllakuykuspa casarakurqaku. Chaymi Tayta Dios nirqa: Manam wiñaypaqchu espirituyqa runakunapi kanqa, cheqaptapunipas payqa runallam, pachak iskay chunka watallatañam kawsanqa, nispa. Diospa churinkuna llapa runakunapa warmi churinkunawan casarakuptinkum, churinku nacemurqa paykunam karqaku llumpay hatun sayayniyuq runakuna. Paykunaqa ñawpaqmantapacham ancha reqsisqa hinaspa guerrapi peleaq kallpasapa runakuna karqaku.

Noeymi Diospa kamachisqanman hina lliwta ruwarqa.

Chaymi Noeyta Dios nirqa: Kunanmi tantearuni llapa runakuna chinkachiyta, paykunapa huchanmantam kay pacha kaynaniraq tarikun. Chaynaqa, kay pachamantam puchukachisaq.

Gofer sachamanta huk arcata ruway, ruwaytaq ukunpi cuartokunatapas hinaspa hawanta ukunta breawan llusiy, yaku mana yaykunanpaq.

Diosmi kay pachata qawamurqa huchapa llumpay intusqanta, llapa runam paqwayta huchaman qokururqaku

Llapa animalkunatapas, castanman hinam parisnintintakama orqontin chinantinta arcaman yaykuchinki, chaynapi qanwan kuska kawsanankupaq.